മെയ് 1 അജിത്തിന്റെ പിറന്നാള്‍ ദിനമാണ്. പിറന്നാള്‍ സമ്മാനമായി അജിത്തിന്റെ പുതിയ സിനിമയുടെ ടൈറ്റില്‍ പോസ്റ്റര്‍ പുറത്ത് വിട്ടിരിക്കുകയാണ് അണിയറപ്രവര്‍ത്തകര്‍. വിടാമുയര്‍ച്ചി എന്നാണ് ചിത്രത്തിന്റെ പേര്. ഷൂട്ടിംഗ് മെയ് അവസാനവാരം തുടങ്ങും. ‘തുനിവി’നുശേഷം അജിത്ത് നായകനാകുന്ന ചിത്രം കൂടിയാണ് വിടാമുയര്‍ച്ചി. സ്റ്റാര്‍ കാസ്റ്റിംഗ് നടന്നുവരുന്നതേയുള്ളൂ. ചിത്രത്തിന്റെ സംവിധായകന്‍ മഗിഴ് തിരുമേനിയാണ്. തടം, കലഗതലൈവന്‍, മേഘമണ്‍ തുടങ്ങിയ ചിത്രങ്ങളുടെ സംവിധായകനാണ് മഗിഴ്. ചിത്രത്തിന്റെ രചന നിര്‍വ്വഹിച്ചിരിക്കുന്നതും മഗിഴാണ്.
നീരവ് ഷാ ഛായാഗ്രഹണം നിര്‍വ്വഹിക്കുന്ന വിടാമുയര്‍ച്ചിക്കുവേണ്ടി അനിരുദ്ധ് സംഗീതസംവിധാനം ചെയ്യുന്നു. പൊന്നിയിന്‍ സെല്‍വന്‍ എന്ന ബ്രഹ്മാണ്ഡ ചലച്ചിത്രത്തിനുശേഷം ലൈക്കാ പ്രൊഡക്ഷന്‍സിന്റെ ബാനറില്‍ സുഭാസ്‌കരനാണ് ചിത്രം നിര്‍മ്മിക്കുന്നത്.
Recent Comments