രണ്ട് ദിവസങ്ങളിലായി ആഘോഷപൂര്‍വ്വമായിട്ടാണ് കെ. മാധവന്റെ (വാള്‍ട്ട് ഡിസ്നി കമ്പനി ഇന്ത്യയുടെയും സ്റ്റാര്‍ ഇന്ത്യയുടെയും പ്രസിഡന്റ്) മകന്റെ വിവാഹച്ചടങ്ങുകള്‍ നടന്നത്. ജയ്പൂരിലെ റാംബാഗ് പാലസിലായിരുന്നു വിവാഹച്ചടങ്ങുകള്‍. ഗുജറാത്ത് പാരമ്പര്യശൈലിയിലായിരുന്നു വിവാഹച്ചടങ്ങ്. ബറാത്ത് (വരന്റെ വീട്ടുകര്‍ എളുന്നെള്ളുന്ന ചടങ്ങ്) ചടങ്ങില്‍ പങ്കുകൊണ്ട് മോഹന്‍ലാലും അക്ഷയ് കുമാറും നൃത്തം വയ്ക്കുന്ന വീഡിയോ അക്ഷയ് കുമാര്‍ തന്നെ തന്റെ ഫെയ്‌സ് ബുക്കില്‍ പോസ്റ്റ് ചെയ്തിരുന്നു. ഗുജറാത്തികളുടെ പരമ്പരാഗതമായ വിവാഹവസ്ത്രമായ ഷര്‍വാണിയും ദര്‍ബനും ധരിച്ചാണ് ഇരുവരും നൃത്തം ചെയ്തത്. അതിനുമുമ്പ് അക്ഷയ് കുമാറിനൊപ്പം പൃഥ്വിയും നൃത്തം വച്ചിരുന്നു.
കേരളത്തില്‍നിന്ന് മോഹന്‍ലാലും ഭാര്യ സുചിത്രയും പൃഥ്വിരാജും ഭാര്യ സുപ്രിയയുമാണ് വിവാഹച്ചടങ്ങില്‍ പങ്കുകൊണ്ടത്. അക്ഷയ് കുമാറിനെ കൂടാതെ ബോളിവുഡില്‍നിന്ന് അമീര്‍ ഖാനും കരണ്‍ ജോഹറും വിവാഹച്ചടങ്ങില്‍ പങ്കുകൊണ്ടു.
Recent Comments