ബോളിവുഡ് താരം അക്ഷയ് കുമാറിന്റെ ചിത്രങ്ങള്‍ തീയേറ്റര്‍ റിലീസിന് ഒരുങ്ങുകയാണ്. താരത്തിന്റെ ആക്ഷന്‍ എന്റര്ടെയ്നര് ചിത്രം ‘ബച്ചന്‍ പാണ്ഡെ’ ഹോളിയോട് അനുബന്ധിച്ച് മാര്‍ച്ച് 18 ന് തീയേറ്ററുകളില്‍ റിലീസ് ചെയ്യും. ആക്ഷന്‍ റൊമാന്റ്റിക് കോമഡി ജോണറില്‍ പെടുന്ന ചിത്രം ഫര്‍ഹാദ് സാംജിയാണ് സംവിധാനം ചെയ്യുന്നത്.
സാജിദ് നദിയാദ്വാലയുടെ പ്രൊഡക്ഷന്‍ ഹൗസായ നദിയാദ്വാല ഗ്രാന്‍ഡ്സണ്‍ എന്റര്‍ടൈന്‍മെന്റാണ് നിര്‍മ്മാണം. കൃതി സനോണ്‍, ജാക്വലിന്‍ ഫെര്‍ണാണ്ടസ്, അര്‍ഷാദ് വാര്‍സി, പങ്കജ് ത്രിപാഠി, പ്രതീക് ബബ്ബര്‍ എന്നിവരും ചിത്രത്തിലുണ്ട്.
അക്ഷയുടെ റിലീസിന് ഒരുങ്ങുന്ന മറ്റൊയൊരു ചിത്രമാണ് ‘പൃഥ്വിരാജ്’. മുന്‍പ് ജൂണ്‍ 10നായിരുന്നു ചിത്രത്തിന്റെ റിലീസ് പ്രഖ്യാപിച്ചിരുന്നത്. എന്നാല്‍ ചിത്രം ജൂണ്‍ 3 ന് റിലീസ് ചെയ്യുമെന്ന് നിര്‍മ്മാതാക്കള്‍ അറിയിച്ചു. ചിത്രത്തില്‍ പൃഥ്വിരാജ് ചൗഹാന്റെ വേഷമാണ് അക്ഷയ് കുമാര്‍ അവതരിപ്പിക്കുന്നത്. യാഷ് രാജ് ഫിലിംസാണ് ഈ ചരിത്ര ചിത്രം നിര്‍മ്മിക്കുന്നത്. മാനുഷി ചില്ലര്‍ ആണ് നായിക.
കൂടാതെ ഗൂര്‍ഖ, രക്ഷാ ബന്ധന്‍, രാം സേതു, OMG2, സെല്‍ഫി എന്നിവയുള്‍പ്പെടെ നിരവധി സിനിമകളാണ് അക്ഷയ് കുമാറിന്റേതായി റിലീസിന് ഒരുങ്ങുന്നത്.
Recent Comments