അക്ഷയ് കുമാര്‍ പോലീസ് വേഷത്തില്‍ എത്തുന്ന സൂര്യവംശി നവംബര്‍ 5ന് തിയറ്ററുകളില്‍ റിലീസ് ചെയ്യാനൊരുങ്ങുന്നു. രോഹിത് ഷെട്ടി രചനയും സംവിധാനവും ചെയ്ത ചിത്രത്തില്‍ കത്രീന കൈഫും പ്രധാന വേഷത്തില്‍ എത്തുന്നു. ചിത്രത്തില്‍ രണ്‍വീര്‍ സിംഗും അജയ് ദേവ്ഗണും അതിഥി വേഷങ്ങളില്‍ എത്തുന്നു. മഹാരാഷ്ട്രയില്‍ തിയേറ്റര്‍ തുറക്കുന്ന തീയതിയില്‍ സൂര്യവംശി റിലീസ് ചെയ്യുമെന്ന് അക്ഷയ് സോഷ്യല്‍ മീഡിയയില്‍ അറിയിച്ചിരുന്നു.
അക്ഷയ് കുമാറിന്റെ ബെല്‍ബോട്ടം ആയിരുന്നു കോവിഡ് പ്രതിസന്ധിക്ക് ശേഷം തിയേറ്ററുകളില്‍ റിലീസ് ചെയ്ത പ്രധാന വാണിജ്യ സിനിമ. മഹാരാഷ്ട്ര മുഖ്യമന്ത്രി ഉദ്ധവ് താക്കറെ ഒക്ടോബര്‍ 22 മുതല്‍ സിനിമാ തിയേറ്ററുകള്‍ തുറക്കുമെന്ന് പ്രഖ്യാപിച്ചതിനാലാണ് ഇപ്പോള്‍ റിലീസ് തീയതി പുറത്തുവിട്ടത്.
രോഹിത് ഷെട്ടിയുടെ പോലീസ് സിനിമകളിലെ നാലാമത്തെ ചിത്രമാണ് സൂര്യവംശി. അജയ് ദേവ്ഗണിന്റെ സിങ്കം 2011 ല്‍ ആരംഭിച്ചു. സിങ്കം, സിങ്കം റിട്ടേണ്‍സ് എന്നിവയ്ക്ക് ശേഷം 2018ല്‍ രണ്‍വീര്‍ സിംഗിന്റ് ‘സിംബ’യും പുറത്തിറങ്ങി.
കോപ് യൂണിവേഴ്‌സ് എന്ന സങ്കല്‍പ്പത്തില്‍നിന്നാണ് ‘സൂര്യവംശി’യുടെ കഥ പിറക്കുന്നത്. യൂനസ് സാജാവല്‍ ആണ് ചിത്രത്തിന്റെ തിരക്കഥ ഒരുക്കുന്നത്. റിലയന്‍സ് എന്റര്‍ടൈന്‍മെന്റ്, രോഹിത് ഷെട്ടി പിക്‌ച്ചേഴ്‌സ്, ധര്‍മ്മ പ്രൊഡക്ഷന്‍സ്, കേപ്പ് ഓഫ് ഗുഡ് ഫിലിംസ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
Recent Comments