ജൂലായി, സണ്‍ ഓഫ് സത്യമൂര്‍ത്തി, അലാ വൈകുണ്ഡപുരംലോ എന്നീ സൂപ്പര്‍ഹിറ്റ് ചിത്രങ്ങള്‍ക്കുശേഷം ത്രിവിക്രമും അല്ലു അര്‍ജുനും ഒരുമിക്കുന്നു. ഗുരുപൂര്‍ണ്ണിമ ദിനത്തിലാണ് ഈ ഹിറ്റ് ജോഡികളുടെ നാലാമത്തെ ചിത്രം പ്രഖ്യാപിച്ചത്.
ജൂലായിലെ ‘രവീന്ദ്ര നാരായണ്‍’, സണ്‍ ഓഫ് സത്യമൂര്‍ത്തിയിലെ ‘വിരാജ് ആനന്ദ്’, അലാ വൈകുണ്ഡപുരംലോയിലെ ‘ബണ്ടു’ എന്നീ കഥാപാത്രങ്ങളെ അല്ലു അര്‍ജുന്‍ അവിസ്മരണീയമാക്കിയിട്ടുമുണ്ട്. ത്രിവിക്രമിന്റെ ആഖ്യാനശൈലി ഇവരുടെ ഓരോ ചിത്രത്തിനും ഗുണം ചെയ്തിട്ടുണ്ട്.
ഹാരിക & ഹാസിനി ക്രിയേഷന്‍സിനൊപ്പം പ്രമുഖ പ്രൊഡക്ഷന്‍ കമ്പനിയായ ഗീത ആര്‍ട്ട്സും ചേര്‍ന്നാണ് പുതിയ ചിത്രം നിര്‍മ്മിക്കുന്നത്. അവര്‍ നിര്‍മ്മിക്കുന്ന എട്ടാമത്തെ ചിത്രമാണിത്. ചിത്രത്തിലെ മറ്റഭിനേതാക്കളെയും അണിയറപ്രവര്‍ത്തകരെയും വൈകാതെ പ്രഖ്യാപിക്കും.
Recent Comments