ആരാധകര്‍ ആകാംക്ഷയോടെ കാത്തിരിക്കുന്ന അല്ലു അര്ജുന് ചിത്രമാണ് പുഷ്പ 2; ദ റൂള്‍. റിലീസിന് ദിവസങ്ങള്‍ മാത്രം ശേഷിക്കേ ചിത്രത്തിന്റെ പ്രൊമോഷനുമായി ബന്ധപ്പെട്ട് കൊച്ചിയിലെത്തിയ അല്ലു അര്ജുന് കൊച്ചിന്‍ എയര്‍പോര്‍ട്ടില്‍ ഗംഭീര സ്വീകരണമാണ് ആരാധകര്‍ അദ്ദേഹത്തിന് നല്‍കിയത്. താരം ആരാധകരെ കൈവീശി അഭിവാദ്യം ചെയ്യുകയും ചെയ്തു.
പുഷ്പ 2 ന്റെ പ്രൊമോഷന്‍ ചടങ്ങ് കൊച്ചി ഗ്രാന്റ് ഹയാത്തിലാണ് എര്‍പ്പെടുത്തിയത്. അല്ലുവിനൊപ്പം നായിക രശ്മിക മന്ദാനയും ഉണ്ടായിരുന്നു. ചിത്രം ഡിസംബര്‍ 5 ന് തീയേറ്ററുകളിലെത്തും.
ആദ്യ ഭാഗത്തേക്കാള്‍ പതിന്മടങ്ങള്‍ ആക്ഷന്‍ പാക്ക്ഡ് എന്റര്‍ടെയിനറായിട്ടാണ് രണ്ടാംഭാഗം എത്തുന്നതെന്ന് അടിവരയിടുന്നതായിരുന്നു ട്രെയിലര്‍. ചിത്രത്തില്‍ പുഷ്പരാജായി അല്ലു അര്‍ജുനും ഭന്‍വര്‍സിംഗ് ഷെഗാവത്തായി ഫഹദ് ഫാസിലും രണ്ടാം ഭാഗത്തില്‍ ഗംഭീര പ്രകടനം കാഴ്ചവച്ചിട്ടുണ്ടെന്നാണ് ട്രെയിലറില്‍നിന്ന് മനസ്സിലാകുന്നത്.
ഇ ഫോര്‍ എന്റര്‍ടെയിന്‍മെന്റ്‌സാണ് പുഷ്പ 2 കേരളത്തിലെത്തിക്കുന്നത്. കേരളത്തില്‍ തീയേറ്ററുകളില്‍ ചിത്രം 24 മണിക്കൂറും പ്രദര്‍ശനമുണ്ടാകുമെന്നാണ് ഇ ഫോര്‍ എന്റര്‍ടെയിന്‍മെന്റ്‌സ് സാരഥി മുകേഷ് ആര്‍ മേത്ത അറിയിച്ചിട്ടുള്ളത്. മൈത്രി മൂവി മേക്കേഴ്‌സും സുകുമാര്‍ റൈറ്റിംഗ്‌സും ആണ് ചിത്രത്തിന്റെ നിര്‍മ്മാതാക്കള്‍. സുകുമാര്‍ സംവിധാനം ചെയ്യുന്ന ചിത്രത്തില്‍ അല്ലു അര്ജുന് പുറമെ രശ്മിക മന്ദാന, ഫഹദ് ഫാസില്‍, സുനില്‍, ജഗപതി ബാബു, പ്രകാശ് രാജ് തുടങ്ങിയവരാണ് പ്രധാന കഥാപാത്രങ്ങളായുള്ളത്.
കഥ, തിരക്കഥ സുകുമാര്‍ ബന്ദ് റെഡ്ഡി, സംഗീതം ദേവി ശ്രീ പ്രസാദ്, ഗാനരചന ചന്ദ്രബോസ്, ഛായാഗ്രഹണം മിറെസ്ലോ ക്യൂബ ബ്രോസെക്.
Recent Comments