2022 പുറത്തിറങ്ങിയ മമ്മൂട്ടി ചിത്രം ഭീഷ്മപര്‍വ്വത്തിനുശേഷം പുതിയ ചിത്രവുമായി സംയവിധായകന്‍ അമല്‍ നീരദ്. ജൂണ്‍ 9 ന് ഉച്ചയ്ക്ക് 12 മണിക്ക് തന്റെ പുതിയ ചിത്രത്തെക്കുറിച്ച് ഒരു പ്രഖ്യാപനം ഉണ്ടാവുമെന്ന് സംവിധായകന്‍ തന്നെയാണ് സോഷ്യല്‍ മീഡിയയിലൂടെ അറിയിച്ചിരിക്കുന്നത്.
നടന്‍ കുഞ്ചാക്കോ ബോബനാണ് അമല്‍ നീരദിന്റെ പോസ്റ്റ് പങ്കുവച്ചിരിക്കുന്നത്. ചിത്രത്തില്‍ കുഞ്ചാക്കോ ബോബനും ഫഹദ് ഫാസിലും പ്രധാനവേഷത്തിലെത്തുന്നുവെന്ന് അഭ്യൂഹമുണ്ട്. അമല്‍ നീരദ് പുറത്തുവിട്ട പോസ്റ്റില്‍ കുഞ്ചാക്കോ ബോബന്റെ ഉദയ പിക്‌ച്ചേഴ്‌സിന്റെ ലോഗോയും ഉണ്ട്.
കുഞ്ചാക്കോ ബോബനെ നായകനാക്കി അമല്‍ നീരദ് ഒരു സിനിമയുടെ ചിത്രീകരണം ആരംഭിച്ചതായി 2023 സെപ്റ്റംബറില്‍ റിപ്പോര്‍ട്ടുകളുണ്ടായിരുന്നു. ക്രൈം ത്രില്ലര്‍ നോവലുകളിലൂടെ ശ്രദ്ധ നേടിയ ലാജോ ജോസിന്റെ പുസ്തകത്തെ ആസ്പദമാക്കിയാണ് ചിത്രം ഒരുങ്ങുന്നതെന്നാണ് സൂചന. സംഗീതം സുഷിന്‍ ശ്യാമും ഛായാഗ്രഹണം ആനന്ദ് സി ചന്ദ്രനും നിര്‍വ്വഹിക്കുമെന്നും റിപ്പോര്‍ട്ടുകളുണ്ട്.
Recent Comments