പത്താം വളവ്, നൈറ്റ് ഡ്രൈവ് എന്നീ ചിത്രങ്ങളുടെ തിരക്കഥാകൃത്ത് അഭിലാഷ് പിള്ള തിരക്കഥ എഴുതി അനൂപ് എസ്. പണിക്കര്‍ സംവിധാനം നിര്‍വ്വഹിച്ച ‘കടാവര്‍’ ഡിസ്‌നി പ്ലസ് ഹോട്ട്സ്റ്റാറില്‍ റിലീസായി. മികച്ച പ്രേക്ഷക പ്രതികരണമാണ് ചിത്രത്തിന് ലഭിക്കുന്നത്. കടാവറിന്റെ സംഗീതവും പശ്ചാത്തല സംഗീതവും ഏറെ ശ്രദ്ധിക്കപ്പെടുന്നു. മലയാളിയായ രഞ്ജിന്‍ രാജാണ് കടാവറില്‍ സംഗീതം ഒരുക്കിയിരിക്കുന്നത്. അഭിലാഷ് പിള്ളയും രഞ്ജിന്‍ രാജും ഒരുമിക്കുന്ന മൂന്നാമത്തെ ചിത്രമാണ് കടാവര്‍. മൂന്ന് മലയാളികള്‍ ഒന്നിച്ച ഈ ചിത്രം അഞ്ചു ഭാഷകളിലായാണ് സ്ട്രീം ചെയ്യുന്നത്.
അമലാ പോള്‍ പ്രൊഡക്ഷന്‍സിന്റെ ബാനറില്‍ അമലാപോള്‍ തന്നെയാണ് കടാവര്‍ നിര്‍മ്മിക്കുന്നത്. ഫോറന്‍സിക് ത്രില്ലര്‍ വിഭാഗത്തില്‍ എത്തിയ കടാവറില്‍ ചീഫ് പോലീസ് സര്‍ജന്റെ വേഷത്തിലാണ് അമലാ പോള്‍. ഇതുവരെ കേട്ട് പരിചയമില്ലാത്ത ഫോറന്‍സിക് സെക്ഷന്റെ അകക്കാമ്പുകളിലേക്കു ചിത്രം സഞ്ചരിക്കുന്നു. ഡോ. ഭദ്ര എന്നാണ് അമലാ പോളിന്റെ കഥാപാത്രത്തിന്റെ പേര്. അദിത്ത്, മുനിഷ് കാന്ത്, റീഥ്വിക, വിനോദ് ഇമ്പരാജ് എന്നിവരാണ് മറ്റു അഭിനേതാക്കള്‍.
യഥാര്‍ഥ സംഭവങ്ങളില്‍ നിന്നും പ്രചോദനം ഉള്‍ക്കൊണ്ടുള്ള ചിത്രമാണ് കടാവര്‍. ഹരീഷ് ഉത്തമന്‍, അതുല്യ രവി, അരുള്‍ എന്ന പ്രത്യേകതയും ഈ ചിത്രത്തിനുണ്ട്. അന്നീസ് പോള്‍, തന്‍സീര്‍ സലാം എന്നിവരാണ് സഹനിര്‍മ്മാതാക്കള്‍. ഹോട്ട്സ്റ്റാറില്‍ സ്ട്രീം ചെയ്യുന്ന ചിത്രം ഇപ്പോള്‍ ട്രെന്‍ഡിങ്ങിംഗ് ലിസ്റ്റിലാണ്. പിആര്‍ഒ പ്രതീഷ് ശേഖര്‍.
Recent Comments