പ്രഭാസ്- നാഗ് അശ്വിന്‍ കൂട്ടുകെട്ടില്‍ ഒരുങ്ങുന്ന കല്‍ക്കി 2898 എ.ഡിയില്‍ അമിതാഭ് ബച്ചന്‍ അവതരിപ്പിക്കുന്ന കഥാപാത്രത്തിന്റെ പോസ്റ്റര്‍ പുറത്തിറങ്ങി. ചിത്രത്തില്‍ അശ്വത്ഥാമാവായി വേഷമിടുന്ന അമിതാഭ് ബച്ചന്റെ പോസ്റ്ററാണ് പുറത്തുവിട്ടിരിക്കുന്നത്. അവന്റെ കാത്തിരിപ്പ് അവസാനിക്കുന്നു എന്ന അടികുറിപ്പും പങ്കുവച്ചിട്ടുണ്ട് അണിയറക്കാര്‍.
വൈജയന്തി മൂവീസിന്റെ ബാനറില്‍ ഒരുന്നുന്ന കല്‍ക്കി 2898 എഡിയുടെ ട്രെയിലര്‍ ജൂണ്‍ 10 ന് റിലീസ് ചെയ്യുകയാണ്. ചിത്രം ജൂണ്‍ 27 ന് തീയേറ്ററുകളില്‍ പ്രദര്‍ശനത്തിനെത്തും. റിലീസിന് മുന്നോടിയായി പുറത്തിറങ്ങിയ ബുജ്ജി ആന്റ് ഭൈരവ എന്ന ആമസോണ്‍ പ്രൈം വീഡിയോ ആനിമേഷന്‍ സീരീസ് ഏറെ ശ്രദ്ധിക്കപ്പെട്ടിരുന്നു.
View this post on Instagram
ബി.സി. 3101 ലെ മഹാഭാരതത്തിലെ ഇതിഹാസ സംഭവങ്ങളില്‍നിന്ന് തുടങ്ങി 2898 എഡി വരെ സംഭവിക്കുന്ന സഹസ്രാബ്ദങ്ങള്‍ നീണ്ടുനില്‍ക്കുന്ന ഒരു യാത്രയാണ് ചിത്രത്തിന്റെ ഇതിവൃത്തം.
ദീപിക പദുകോണാണ് നായിക. കമല്‍ ഹാസന്‍ വില്ലനായി എത്തുന്ന എന്ന പ്രത്യേകതയും കല്‍ക്കിക്കുണ്ട്. ദുല്‍ഖര്‍ സല്‍മാന്‍, ദിഷ പഠാനി, പശുപതി തുടങ്ങി വന്‍ താരനിരയാണ് ചിത്രത്തില്‍ അണിനിരക്കുന്നത്. സന്തോഷ് നാരായണനാണ് സംഗീതം നിര്‍വ്വഹിക്കുന്നത്.
Recent Comments