ഐശ്വര്യലക്ഷ്മിയെ കേന്ദ്രകഥാപാത്രമാക്കി ചാരുകേഷ് ശേഖര്‍ രചനയും സംവിധാനവുംം ചെയ്യുന്ന ചിത്രമാണ് അമ്മു. ആമസോണ്‍ പ്രൈം വീഡിയോയുടെ ആദ്യ തെലുങ്ക് ഒറിജിനല്‍ ചിത്രംകൂടിയാണ് ‘അമ്മു’. ചിത്രം ഒക്ടോബര്‍ 19ന് റിലീസ് ചെയ്യും. തെലുങ്കിന് പുറമെ തമിഴ്, മലയാളം, കന്നഡ, ഹിന്ദി ഭാഷകളിലേക്കും അമ്മു മൊഴിമാറ്റം ചെയ്യപ്പെടുന്നുണ്ട്.
സ്റ്റോണ്‍ ബെഞ്ച് ഫിലിംസിന്റെ ബാനറില്‍ കല്യാണ്‍ സുബ്രഹ്‌മണ്യവും കാര്‍ത്തികേയന്‍ സന്താനവും ചേര്‍ന്നാണ് ചിത്രം നിര്‍മ്മിക്കുന്നത്. കാര്‍ത്തിക് സുബ്ബരാജാണ് ക്രിയേറ്റീവ് പ്രൊഡ്യൂസര്‍.
‘ഒരു സിനിമ എന്ന നിലയില്‍ അമ്മു ഒരു റിവഞ്ച് ത്രില്ലറാണ്. ഒരു നാടകത്തില്‍ നിന്ന് പ്രചോദനം ഉള്‍ക്കൊണ്ടാണ് ഈ ചിത്രം ചെയ്തിരിക്കുന്നത്. ജീവിതം പ്രവചനാതീതമാണെന്ന സന്ദേശമാണ് ചിത്രം നല്‍കുന്നത്. ഐശ്വര്യ, നവീന്‍, സിംഹ എന്നിവര്‍ക്കൊപ്പം ഇന്‍ഡസ്ട്രിയിലെ ചില മികച്ച അഭിനേതാക്കളുടെ പ്രകടനവും ചിത്രത്തിലുണ്ട്. പ്രൈം വീഡിയോയിലൂടെ ഏകദേശം 240 രാജ്യങ്ങളിലെ ഉപഭോക്താക്കളിലേക്ക് ഈ സിനിമ എത്തിക്കാന്‍ കഴിയുന്നതില്‍ ഞാന്‍ ആവേശഭരിതനാണ്’ ക്രിയേറ്റീവ് പ്രൊഡ്യൂസര്‍ കാര്‍ത്തിക് സുബ്ബരാജ് പറയുന്നു.
Recent Comments