മീന, മനോജ് കെ. ജയൻ, ശ്രീകാന്ത് എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് ആനന്ദപുരം ഡയറീസ് .ഇപ്പോൾ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത് വിട്ടിരിക്കുകയാണ് . മോഹൻലാലാണ് സോഷ്യൽ മീഡിയ പേജിലൂടെ ചിത്രത്തിന്റെ പോസ്റ്റർ റിലീസ് ചെയ്തത്. “ഇടം” എന്ന ചിത്രത്തിനു ശേഷം ജയ ജോസ് രാജ് സംവിധാനം ചെയ്യുന്ന ചിത്രമാണിത്.
ഭർത്താവിന്റെ മരണത്തിന് ശേഷം മീന ആദ്യമായിട്ട് അഭിനയിക്കുന്നത് ഈ ചിത്രത്തിലാണിത്. തമിഴിലും മലയാളത്തിലും ബൈലിങ്ക്വലായാണ് ചിത്രം എടുത്തിരിക്കുന്നത്. ഫസ്റ്റ് ലുക്ക് പോസ്റ്ററിൽ ഒരു സംഘം യുവാക്കളുടെ മുമ്പിൽ മോഡേൺ ഗെറ്റപ്പിൽ നില്ക്കുന്ന മീനയെയാണ് കാണാൻ സാധിക്കുന്നത്.
ആനന്ദപുരം എന്ന സാങ്കല്പിക ഗ്രാമത്തിലെ ഒരു ലോ കോളേജിൽ നടക്കുന്ന സംഭവങ്ങളാണ് ചിത്രത്തിന്റെ പശ്ചാത്തലം . 20 വർഷത്തിന് ശേഷം ലോ കോളേജിൽ മീന അവതരിപ്പിക്കുന്ന കഥാപാത്രം , മുടങ്ങി പോയ പഠനം പൂർത്തിയാക്കാൻ വരുന്നതും തുടർന്ന് കോളേജിലെ പ്രശ്നങ്ങൾ നിയമപരമായി നേരിടുന്നതുമാണ് ഇതിവൃത്തം . കോളേജിന്റെയും കുടുംബ ബന്ധങ്ങളുടെയും വക്കീൽ ജോലിയുടെയെല്ലാം കഥ പറയുന്ന ചിത്രമാണ് ആനന്ദപുരം ഡയറീസ് .
സിദ്ധാർത്ഥ് ശിവ,സുധീർ കരമന, ജാഫർ ഇടുക്കി, റോഷൻ റഹൂഫ്, ജയകുമാർ, ജയരാജ് കോഴിക്കോട്, രാജേഷ് അഴീക്കോടൻ, അഭിഷേക്, അഖിൽ, സൂരജ് തേലക്കര,ശിഖ സന്തോഷ്,മീര നായർ, മാല പാർവ്വതി, ദേവീക ഗോപാൽ നായർ,രമ്യ സുരേഷ് ,അഞ്ജന സാജൻ,ഗംഗ മീര, ആർജെ അഞ്ജലി, വൃദ്ധി വിശാൽ,അഞ്ജു മേരി,കുട്ടി അഖിൽ തുടങ്ങിയവരും ചിത്രത്തിൽ അണിനിരക്കുന്നു.ചിത്രത്തിൽ നാല് പാട്ടുകൾ ഷാൻ റഹ്മാനും ഒരു പാട്ട് ആൽബർട്ട് വിജയനുമാണ് ഒരുക്കിയിരിക്കുന്നത് .റഫീഖ് അഹമ്മദ്, മനു മഞ്ജിത് എന്നിവരാണ് വരികൾ എഴുതിയിരിക്കുന്നത്. നീൽ പ്രൊഡക്ഷൻസ് ഇന്ത്യ പ്രൈവറ്റ് ലിമിറ്റഡിന്റെ ബാനറിൽ ശശി ഗോപാലൻ നായരാണ് ചിത്രം കഥയെഴുതി നിർമ്മിക്കുന്നത് . സജിത്ത് പുരുഷനാണ് ചിത്രത്തിന്റെ ഛായാഗ്രഹണം നിർവ്വഹിക്കുന്നത്. ഷൂട്ടിങ്ങ് പൂർത്തിയായ സിനിമ ഇപ്പോൾ പോസ്റ്റ് പ്രൊഡക്ഷൻ ഘട്ടത്തിലാണ് .
Recent Comments