നവാഗതനായ മുജീബ് ടി. മുഹമ്മദ് കഥ എഴുതി സംവിധാനം ചെയ്യുന്ന അഞ്ചാം വേദം എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. പ്രേക്ഷകര്‍ക്ക് നിര്‍വചിക്കുവാന്‍ ആവാത്ത വിധത്തിലുള്ള ട്വിസ്റ്റുകളുമായി മുസ്ലിം പശ്ചാത്തലത്തില്‍ പറഞ്ഞിരിക്കുന്ന ഒരു പ്രണയകാവ്യ ചിത്രമാണിത്. അടിയുറച്ച മത വിശ്വാസങ്ങള്‍ നിസഹായയായ ഒരു പെണ്‍കുട്ടിയുടെ ജീവിതം തകര്‍ത്തെറിയുമ്പോള്‍ അവള്‍ വിശ്വസിച്ച വേദഗ്രന്ഥങ്ങളില്‍ നിന്ന് തന്നെ പകര്‍ന്നു കിട്ടിയതും മൂടി വെയ്ക്കപ്പെട്ടതുമായ ഒരു വലിയ സത്യം ‘ഫസഹ്’ അവള്‍ക്ക് തുണയാവുന്നു. കോവിഡ് എന്ന മഹാമാരിയുടെ പശ്ചാത്തലത്തില്‍, ഏറെ ദുരൂഹതകള്‍ നിറഞ്ഞ മള്‍ട്ടി ജോണര്‍ പൊളിറ്റിക്കല്‍ ത്രില്ലര്‍ കഥയാണ് ചിത്രത്തിന്റെ ഇതിവൃത്തം.
ടിഎം പ്രൊഡക്ഷന്റെ ബാനറില്‍ ഹബീബ് അബൂബക്കര്‍ നിര്‍മ്മിക്കുന്ന ചിത്രത്തിന്റെ തിരക്കഥയും സംഭാഷണവും സഹ സംവിധാനവും നിര്‍വഹിച്ചിരിക്കുന്നത് ബിനീഷ് രാജ് ആണ്. ഡിഒപി സാഗര്‍ അയ്യപ്പന്‍, എഡിറ്റിംഗ് ഹരി രാജ ഗൃഹ.
പുതുമുഖം വിഹാന്‍ വിഷ്ണുവാണ് നായകന്‍. നയന്‍താരയുടെ അറം എന്ന ചിത്രത്തിലൂടെ ശ്രദ്ധേയയായ സുനുലക്ഷ്മിയാണ് നായിക.
സജിത്ത് രാജ് മറ്റൊരു പ്രധാന വേഷം ചെയ്യുന്നു. അമര്‍നാഥ് ഹരിചന്ദ്രന്‍, ജോളി, സജാദ് ബ്രൈറ്റ്, ബിനീഷ് രാജ്, രാജീവ് ഗോപി, സംക്രന്ദനന്‍, നാഗരാജ്, ജിന്‍സി, അമ്പിളി, സൗമ്യരാജ് എന്നിവരാണ് മറ്റ് അഭിനേതാക്കള്‍.
റഫീഖ് അഹമ്മദ്, മുരുകന്‍ കാട്ടാക്കട, സൗമ്യരാജ് എന്നിവരുടെ ഗാനങ്ങള്‍ക്ക് ജോജി തോമസ് സംഗീതം പകര്‍ന്നിരിക്കുന്നു. പശ്ചാത്തല സംഗീതം വിഷ്ണു വി ദിവാകര്‍. പ്രൊജക്ട് ഡിസൈനര്‍ രാജീവ് ഗോപി, പ്രൊഡക്ഷന്‍ കണ്‍ട്രോളര്‍ നിജില്‍ ദിവാകര്‍, ആര്‍ട്ട് രാജേഷ് ശങ്കര്‍, കോസ്റ്റുംസ് ഉണ്ണി പാലക്കാട്, മേക്കപ്പ് സുധി കട്ടപ്പന, അസോസിയേറ്റ് ഡയറക്ടര്‍ ബാലു നീലംപേരൂര്‍, വി.എഫ്.എക്‌സ് ബിനീഷ് രാജ്, ആക്ഷന്‍ കുങ്ഫു സജിത്ത്, ഇടുക്കി,കട്ടപ്പന പ്രദേശങ്ങളില്‍ ഷൂട്ടിംഗ് പൂര്‍ത്തിയായ ചിത്രം ഫെബ്രുവരി മാസം തിയേറ്ററില്‍ എത്തുന്നു. പിആര്‍ഒ എംകെ ഷെജിന്‍.
Recent Comments