മികച്ച നടിക്കുള്ള ദേശീയ പുരസ്‌കാരം സുരഭി ലക്ഷ്മിക്ക് നേടിക്കൊടുത്ത മിന്നാമിനുങ്ങിന്റെ സംവിധായകന്‍ അനില്‍ തോമസ് തിരക്കഥയെഴുതി സംവിധാനം ചെയ്യുന്ന പുതിയ ചിത്രമാണ് ഇതുവരെ. കലാഭവന്‍ ഷാജോണ്‍ ആണ് ചിത്രത്തിലെ നായകകഥാപാത്രത്തെ അവതരിപ്പിക്കുന്നത്.
‘മിന്നാമിനുങ്ങ് പോലെ ഒരു ഓഫ് ബീറ്റ് ചിത്രമാണ് ഇതുവരെ. ഇത്തവണ ഒരു പാരിസ്ഥിതിക വിഷയമാണ് ഈ ചിത്രത്തിലൂടെ പറയാന്‍ ശ്രമിക്കുന്നതും. കുടുംബ പശ്ചാത്തലത്തിലാണ് കഥ അവതരിപ്പിക്കുന്നത്. ഗൃഹനാഥനായ വിക്രമന്‍നായരുടെ വേഷമാണ് ഷാജോണിന്. ഇദ്ദേഹത്തിന് ഭാര്യയും ഒരു മകനുമുണ്ട്. അവരുടെ കാസ്റ്റിംഗും നടന്നിട്ടില്ല. അതുപോലെ ടെക്‌നീഷ്യന്മാരെയും കണ്ടെത്തണം. അതിനുള്ള ശ്രമങ്ങളിലാണ്. സെപ്തംബര്‍ അവസാനം അല്ലെങ്കില്‍ ഒക്ടോബര്‍ ആദ്യം ഷൂട്ടിംഗ് തുടങ്ങും. എറണാകുളവും കാന്തല്ലൂരുമാണ് പ്രധാന ലൊക്കേഷനുകള്‍.’ അനില്‍ തോമസ് കാന്‍ ചാനലിനോട് പറഞ്ഞു.
Read Also
അനില്‍തോമസ് സംവിധാനം ചെയ്യുന്ന മൂന്നാമത്തെ ചിത്രമാണ് ഇതുവരെ. മിന്നാമിനുങ്ങിന് മുമ്പ് ക്രൈംസ്റ്റോറി എന്നൊരു സിനിമയും അദ്ദേഹം സംവിധാനം ചെയ്തിട്ടുണ്ട്.
Recent Comments