ഫഹദ് ഫാസില്‍, സൗബിന്‍ സാഹിര്‍, ദര്‍ശന രാജേന്ദ്രന്‍ എന്നിവരെ കേന്ദ്രകഥാപാത്രങ്ങളാക്കി നസീഫ് യൂസഫ് ഇസുദ്ദിന്‍ ആദ്യമായി സംവിധാനം ചെയ്യുന്ന ഇരുള്‍ ഏപ്രില്‍ രണ്ടിന് നെറ്റ്ഫ്‌ളിക്‌സിന്റെ ഒ.ടി.ടി. പ്ലാറ്റ്‌ഫോമിലൂടെ റിലീസ് ചെയ്യും.
സുനില്‍ യാദവിന്റെ കഥയ്ക്ക് അനസ് ബിന്‍ ഇബ്രാഹിമും നസീഫും ചേര്‍ന്ന് തിരക്കഥ ഒരുക്കിയിട്ടുള്ള ഇരുള്‍ ഒരു ത്രില്ലര്‍ മൂവിയാണ്. ഒരു രാത്രിയില്‍ ആള്‍താമസമില്ലാത്ത ബ്ലംഗാവില്‍ അകപ്പെട്ടുപോയ യുവദമ്പതികളുടെയും അവരറിയാത്ത ഒരു അന്യപുരുഷന്റെയും ജീവിതത്തില്‍ നടക്കുന്ന ഭയാനകമായ സംഭവങ്ങളാണ് ചിത്രത്തിന്റെ ഇതിവൃത്തം.
ആന്റോ ജോസഫ് ഫിലിം കമ്പനിയും പ്ലാന്‍ ജെ. സ്റ്റുഡിയോസും ചേര്‍ന്ന് നിര്‍മ്മിക്കുന്ന ഇരുളിന്റെ ഛായാഗ്രാഹകന്‍ ജോമോന്‍ ടി. ജോണാണ്. എഡിറ്റിംഗ് ഷമീര്‍ മുഹമ്മദും കോസ്റ്റിയൂം മഷര്‍ ഹംസയുമാണ്. ബാദുഷയാണ് പ്രൊഡക്ഷന്‍ കണ്‍ട്രോളര്‍.
Recent Comments