ആര്‍ഡ എക്സിലെ സൂപ്പര്‍ ഹിറ്റ് ഗാനങ്ങള്‍ക്ക് ശേഷം വീണ്ടും സാം സി എസ് മാജിക്. ഷെയിന്‍ നിഗം-സണ്ണി വെയ്ന്‍ ചിത്രം വേലയിലെ ‘ബമ്പാഡിയോ’ എന്ന ലിറിക് വീഡിയോ അണിയറപ്രവര്‍ത്തകര്‍ റിലീസ് ചെയ്തു. അന്‍വര്‍ അലിയാണ് ഗാനത്തിന്റെ വരികള്‍. സാം സി എസ്സും ആന്തണി ദാസനുമാണ് ഗാനം ആലപിച്ചിരിക്കുന്നത്. വേല നവംബര്‍ 10ന് തിയേറ്ററുകളിലെത്തും. ക്രൈം ഡ്രാമയാണ് ചിത്രം. നവാഗതനായ ശ്യാം ശശിയാണ് ചിത്രം സംവിധാനം ചെയ്തിരിക്കുന്നത്. എം. സജാസിന്റേതാണ് തിരക്കഥ. ദുല്‍ഖര്‍ സല്‍മാന്റെ വേഫേറെര്‍ ഫിലിംസാണ് ചിത്രം വിതരണത്തിനെത്തിക്കുന്നത്. സിന്‍സില്‍ സെല്ലുലോയ്ഡിന്റെ ബാനറില്‍ എസ്. ജോര്‍ജ് വേല നിര്‍മ്മിക്കുന്നത്. ബാദുഷ പ്രൊഡക്ഷന്‍സാണ് സഹനിര്‍മ്മാതാക്കള്‍.
പോലീസ് കണ്‍ട്രോള്‍ റൂമിന്റെ പശ്ചാത്തലത്തില്‍ കഥ പറയുന്ന ചിത്രത്തില്‍ പോലീസ് കഥാപാത്രങ്ങളായ ഉല്ലാസ് അഗസ്റ്റിനെ ഷെയിന്‍ നിഗവും മല്ലികാര്‍ജുനനെ സണ്ണിവെയ്നും അവതരിപ്പിക്കുന്നു. സിദ്ധാര്‍ഥ് ഭരതന്‍ ചിത്രത്തില്‍ ശ്രേദ്ധേയമായ മറ്റൊരു പോലീസ് കഥാപാത്രമാവുന്നു. അതിഥി ബാലന്‍ പ്രധാന കഥാപാത്രത്തിലെത്തുന്ന വേലയുടെ ഓഡിയോ റൈറ്റ്‌സ് ടി സീരീസാണ് കരസ്ഥമാക്കിയത്.
ഛായാഗ്രഹണം: സുരേഷ് രാജന്‍, ചിത്രസംയോജനം: മഹേഷ് ഭുവനേന്ദ്, എക്‌സിക്യൂട്ടീവ് പ്രൊഡ്യൂസര്‍: സുനില്‍ സിംഗ്, പ്രൊഡക്ഷന്‍ കണ്‍ട്രോളര്‍: പ്രശാന്ത് നാരായണന്‍, പ്രൊജക്റ്റ് ഡിസൈനര്‍: ലിബര്‍ ഡേഡ് ഫിലിംസ്, മ്യൂസിക്: സാം സി എസ്, സൗണ്ട് ഡിസൈന്‍ വിക്കി,കിഷന്‍, ഫൈനല്‍ മിക്‌സിങ്: എം ആര് രാജാകൃഷ്ണന്‍, കലാ സംവിധാനം: ബിനോയ് തലക്കുളത്തൂര്‍, വസ്ത്രാലങ്കാരം: ധന്യ ബാലകൃഷ്ണന്‍, കൊറിയോഗ്രാഫി: കുമാര്‍ ശാന്തി, ഫിനാന്‍സ് കണ്‍ട്രോളര്‍: അഗ്‌നിവേശ്, പ്രൊഡക്ഷന്‍ എക്‌സിക്യൂട്ടീവ്: എബി ബെന്നി, ഔസേപ്പച്ചന്‍, ലിജു നടേരി, പ്രൊഡക്ഷന്‍ മാനേജര്‍: മന്‍സൂര്‍, ചീഫ് അസോസിയേറ്റ് ഡയറക്ടര്‍: പ്രശാന്ത് ഈഴവന്‍, അസോസിയേറ്റ് ഡയറക്റ്റേര്‍സ്: തന്‍വിന്‍ നസീര്‍, ഷൈന്‍ കൃഷ്ണ, അസിസ്റ്റന്റ് ഡയറക്ടേഴ്‌സ്: അഭിലാഷ് പി ബി, അദിത്ത് എച്ച് പ്രസാദ്, ഷിനോസ്, മേക്കപ്പ്: അമല്‍ ചന്ദ്രന്‍, സംഘട്ടനം: പിസി സ്റ്റണ്ട്‌സ്, ഡിസൈന്‍സ്: ടൂണി ജോണ്‍, സ്റ്റില്‍സ് ഷുഹൈബ് എസ്ബികെ, പബ്ലിസിറ്റി: ഓള്‍ഡ് മംഗ്സ്, ഡിജിറ്റല്‍ മാര്‍ക്കറ്റിംഗ്: വിഷ്ണു സുഗതന്‍, പിആര്‍ഒ: പ്രതീഷ് ശേഖര്‍.
Recent Comments