ജോജു ജോര്‍ജിനെ നായകനാക്കി ജോഷി സംവിധാനം ചെയ്യുന്ന ‘ആന്റണി’ നവംബര്‍ മാസം റിലീസിനെത്തും. ചിത്രത്തിന്റെ ടീസര്‍ നാളെ റിലീസ് ചെയ്യും. ആന്റണിയുടെ വിതരണാവകാശം ഡ്രീം ബിഗ് ഫിലിംസ് സ്വന്തമാക്കി. ഓഡിയോ റൈറ്റ് സരിഗമ നേരത്തെ സ്വന്തമാക്കിയിരുന്നു.
പൊറിഞ്ചു മറിയം ജോസ് എന്ന ചിത്രത്തിന് ശേഷം ജോഷിയും ജോജു ജോര്‍ജ്ജും ഒന്നിക്കുന്ന ചിത്രമാണ് ‘ആന്റണി’. നൈല ഉഷ, ചെമ്പന്‍ വിനോദ് ജോസ്, വിജയരാഘവന്‍ കല്യാണി പ്രിയദര്‍ശന്‍, ആശ ശരത്ത് എന്നിവരാണ് മറ്റ് പ്രധാന വേഷക്കാര്‍.
ഐന്‍സ്റ്റീന്‍ മീഡിയക്ക് വേണ്ടി ഐന്‍സ്റ്റീന്‍ സാക് പോള്‍ നിര്‍മ്മിക്കുന്ന ചിത്രത്തില്‍ നെക്സ്റ്റല്‍ സ്റ്റുഡിയോ, അള്‍ട്രാ മീഡിയ എന്റര്‍ടൈന്‍മെന്റ് എന്നീ ബാനറുകളില്‍ സുശീല്‍ കുമാര്‍ അഗര്‍വാള്‍, രജത് അഗര്‍വാള്‍, നിതിന്‍ കുമാര്‍ എന്നിവരും ഗോകുല്‍ വര്‍മ്മ, കൃഷ്ണരാജ് രാജന്‍ എന്നിവരും സഹ നിര്‍മ്മാതാക്കളാകുന്നു. ഷിജോ ജോസഫാണ് എക്‌സിക്യൂട്ടീവ് പ്രൊഡ്യൂസര്‍.
Recent Comments