ആന്റണി വര്‍ഗീസിനെ കേന്ദ്രകഥാപാത്രമാക്കി വിനീത് വാസുദേവന്‍ സംവിധാനം ചെയ്യുന്ന ചിത്രമാണ് പൂവന്‍. ചിത്രം ജനുവരി 20 ന് തീയേറ്ററുകളില്‍ പ്രദര്‍ശനത്തിനെത്തും. സെന്‍ട്രല്‍ പിക്‌ചേഴ്‌സിനാണ് വിതരണാവകാശം.
തണ്ണീര്‍മത്തന്‍ ദിനങ്ങള്‍, സൂപ്പര്‍ ശരണ്യ എന്നീ ചിത്രങ്ങളില്‍ ശ്രദ്ധേയമായ കഥാപാത്രങ്ങളെ അവതരിപ്പിച്ച നടന്‍ കൂടിയാണ് വിനീത് വാസുദേവന്‍. അദ്ദേഹം ആദ്യമായി സംവിധാനം ചെയ്യുന്ന ചിത്രംകൂടിയാണിത്. പൂവനിലും വിനീത് ശക്തമായൊരു കഥാപാത്രത്തെ അവതരിപ്പിക്കുന്നു.
നായകനായ ആന്റണി വര്‍ഗീസിനെയും മണിയന്‍പിള്ള രാജുവിനെയും ഒഴിച്ചു നിര്‍ത്തിയാല്‍ ഈ ചിത്രത്തിലെ മറ്റ് അഭിനേതാക്കളെല്ലാം താരതമ്യേന പുതുമുഖങ്ങളാണ്. അമച്വര്‍-തീയേറ്റര്‍ ആര്‍ട്ടിസ്റ്റുകളാണ് ഏറെയും. റിങ്കു രണധീര്‍, അഖിലാ ഭാര്‍ഗവന്‍, അനിഷ്മ അനില്‍കുമാര്‍ എന്നിവരാണ് നായികമാര്‍.
ഷെബിന്‍ ബക്കര്‍ പ്രൊഡക്ഷന്‍സും സ്റ്റക് ഹൗസ് പ്രൊഡക്ഷന്‍സും ചേര്‍ന്നാണ് ചിത്രം നിര്‍മ്മിക്കുന്നത്. ഷെബിന്‍ ബക്കറും ഗിരീഷ് എ.ഡിയുമാണ് നിര്‍മ്മാതാക്കള്‍.
Recent Comments