ശിവ രാജ് കുമാര്‍, ഉപേന്ദ്ര, രാജ് ബി ഷെട്ടി എന്നിവര്‍ പ്രധാന വേഷങ്ങളില്‍ എത്തുന്ന ’45’ എന്ന പാന്‍ ഇന്ത്യന്‍ ചിത്രത്തിന്റെ ഗ്രാന്‍ഡ് ടീസര്‍ ലോഞ്ച് ഏപ്രില്‍ 16 ന് ഫോറം മാളില്‍ വച്ച് നടന്നു. ചടങ്ങില്‍ കന്നഡ സൂപ്പര്‍സ്റ്റാറുകളായ ശിവരാജ് കുമാറും ഉപേന്ദ്രയും സന്നഹിതരായിരുന്നു. മലയാളത്തിന്റെ യുവതാരം ആന്റണി വര്‍ഗീസ്‌പെപ്പയും ചടങ്ങില്‍ പങ്കെടുത്ത് തന്റെ പ്രിയ താരം ശിവരാജ് കുമാറിനോടൊപ്പം സെല്‍ഫി എടുത്ത് സ്‌നേഹം പ്രകടിപ്പിച്ചു. ആഗസ്റ്റ് 15ന് റിലീസിന് എത്തുന്ന ഈ പാന്‍ ഇന്ത്യന്‍ ചിത്രം സൂരജ് പ്രൊഡക്ഷന്‍സിന്റെ ബാനറില്‍ പ്രശസ്ത സംഗീത സംവിധായകനായ അര്‍ജുന്‍ ജെന്യയുടെ ആദ്യത്തെ സംവിധാന സംരംഭമാണിത്.
വലിയ മുതല്‍ മുടക്കില്‍ ഒരുങ്ങുന്ന ഈ ചിത്രം ദക്ഷിണേന്ത്യയിലെ തന്നെ ഏറ്റവും പ്രശസ്തരായ സൂപ്പര്‍സ്റ്റാറുകളെ ഒരു സിനിമാറ്റിക് ഷോയ്ക്ക് കീഴില്‍ ഒരുമിച്ച് കൊണ്ടുവരുന്ന ഹൈ-ഒക്ടേന്‍ ആക്ഷന്‍-ഫാന്റസി എന്റര്‍ടെയ്നര്‍ ആണ്. ‘മനുഷ്യന്‍ മരിച്ചു കഴിയുമ്പോള്‍ കാണിക്കുന്ന സ്‌നേഹം ജീവിച്ചിരിക്കുമ്പോള്‍ കാണിക്കൂ’ എന്ന അര്‍ത്ഥവത്തായ വരിയോടുകൂടിയാണ് ടീസര്‍ ആരംഭിക്കുന്നത്. പിന്നെ മനോഹരമായ ഒരു വിഷ്വല്‍ ട്രീറ്റ് തന്നെ നമുക്ക് കാണാന്‍ സാധിക്കും. ഇതില്‍ നിന്ന് തന്നെ ചിത്രം എത്ര ക്വാളിറ്റിയിലാണ് ഷൂട്ട് ചെയ്തിരിക്കുന്നത് നമുക്ക് മനസ്സിലാക്കാന്‍ കഴിയും. സൂരജ് പ്രൊഡക്ഷന്‍സിന്റെ ബാനറില്‍ എം രമേശ് റെഡ്ഡിയാണ് ഈ ചിത്രം നിര്‍മ്മിച്ചിരിക്കുന്നത്. അദ്ദേഹം നിര്‍മ്മിച്ച് 2023 ല്‍ പുറത്തിറങ്ങിയ നീരജ എന്ന മലയാള ചിത്രം ഏറെ പ്രേക്ഷകപ്രശംസ ഏറ്റു വാങ്ങിയിരുന്നു. ദേശീയ പുരസ്‌കാരം ഉള്‍പ്പെടെ കരസ്ഥമാക്കിയ രമേഷ് റെഡിയുടെ ഏറ്റവും മുതല്‍മുടക്കിലുള്ള ചിത്രമാണ് 45. 100 കോടിയിലധികം ബഡ്ജക്റ്റ് വരുന്ന ഈ ചിത്രത്തിന്റെ V.F. X കാനഡയിലാണ് ചെയ്തിരിക്കുന്നത്.
കന്നഡ, ഹിന്ദി, തമിഴ്, തെലുങ്ക്, മലയാളം ഭാഷകളില്‍ പാന്‍-ഇന്ത്യന്‍ റിലീസായാണ് ചിത്രം എത്തുന്നത്. ഛായാഗ്രഹണം- സത്യ ഹെഡ്ജ്, സംഭാഷണം- അനില്‍കുമാര്‍, സംഗീതം-അര്‍ജുന്‍ ജന്യ, ആര്‍ട്ട് ഡയറക്ടര്‍- മോഹന്‍ പണ്ഡിത്ത്, വസ്ത്രാലങ്കാരം- പുട്ടാ രാജു V. F. X യാഷ് ഗൗഡ, കൊറിയോഗ്രാഫി- ചിന്നി പ്രകാശ്,ബി ധനംജയ്. പി.ആര്‍.ഒ- മഞ്ജു ഗോപിനാഥ്.
Recent Comments