ആര്.ഡി.എക്‌സിന്റെ വന്‍ വിജയത്തിനു ശേഷം വീക്കെന്റ് ബ്ലോക്ബസ്റ്റര്‍സിന്റെ ബാനറില്‍ സോഫിയാ പോള്‍ നിര്‍മ്മിക്കുന്ന പുതിയ ചിത്രത്തിന് കൊച്ചിയില്‍ തുടക്കമായി. ഇടപ്പള്ളി അഞ്ചുമനദേവീക്ഷേത്രത്തില്‍ നടന്ന പൂജാ ചടങ്ങില്‍ സോഫിയാ പോള്‍, സുപ്രിയാ പൃഥ്വിരാജ്, ആന്റണി വര്‍ഗീസ് എന്നിവര്‍ ചേര്‍ന്നാണ് ഭദ്രദീപം തെളിയിച്ചത്. പോള്‍ ജയിംസ് സ്വിച്ചോണും സെഡിന്‍ പോള്‍ ഫസ്റ്റ് ക്ലാപ്പും നല്‍കി. ആര്.ഡി.എക്‌സിന്റെ സംവിധായകന്‍ നഹാസ് ഹിദായത്ത്, അനശ്വര രാജന്‍, അലക്‌സ് ജെ. പുളിക്കല്‍ എന്നിവര്‍ ചടങ്ങില്‍ പങ്കുകൊണ്ടു. നവാഗതനായ അജിത് മാമ്പള്ളിയാണ് ചിത്രം സംവിധാനം ചെയ്യുന്നത്. കടലിന്റെ പശ്ചാത്തലത്തില്‍ അവതരിപ്പിക്കുന്ന ഒരു റിവഞ്ച് ആക്ഷന്‍ ഡ്രാമയാണ് ചിത്രം.
ആന്റണി വര്‍ഗീസാണ് നായകന്‍. മലയാളത്തിലെ പ്രമുഖ താരങ്ങളും ചിത്രത്തിന്റെ ഭാഗമാകുന്നു.
റോയലിന്‍ റോബര്‍ട്ട് സതീഷ് തോന്നക്കല്‍, അജിത് മാമ്പള്ളി എന്നിവര്‍ ചേര്‍ന്നാണ് തിരക്കഥ എഴുതിയിരിക്കുന്നത്. സംഗീതവും പശ്ചാത്തല സംഗീതവും സാം സി.എസ്. നിര്‍വ്വഹിക്കുന്നു. ഛായാഗ്രഹണം ജിതിന്‍ സ്റ്റാന്‍ സിലോസ്, കലാസംവിധാനം മനു ജഗത്, കോസ്റ്റ്യൂം ഡിസൈന്‍ നിസ്സാര്‍ റഹ്‌മത്ത്, മേക്കപ്പ് അമല്‍ ചന്ദ്ര, നിര്‍മ്മാണ നിര്‍വ്വഹണം ജാവേദ് ചെമ്പ്, പി.ആര്.ഒ വാഴൂര്‍ ജോസ്, ഫോട്ടോ വിഷ്ണു എസ്. രാജ്.
ഒക്ടോബര്‍ 15 ന് ചിത്രത്തിന്റെ ഷൂട്ടിംഗ് ആരംഭിക്കും രാമേശ്വരം, വര്‍ക്കല, തോന്നക്കല്‍, കൊല്ലം എന്നിവിടങ്ങളിലായി ചിത്രത്തിന്റെ ഷൂട്ടിംഗ് പൂര്‍ത്തിയാകും.
Recent Comments