ആന്റണി വര്‍ഗ്ഗീസ് നായകനാകുന്ന ചിത്രത്തിന് പേരിട്ടു- ലൈല. ചിത്രത്തിന്റെ ടൈറ്റില്‍ ക്യാരക്ടര്‍ അവതരിപ്പിക്കുന്നത് ആന്റണിയാണ്. ഇന്നായിരുന്നു ചിത്രത്തിന്റെ പൂജ. ചോറ്റാനിക്കര അപ്പുമനയില്‍വച്ചായിരുന്നു പൂജാച്ചടങ്ങുകള്‍. സംവിധായകനായ എബ്രിഡ് ഷൈന്‍, ജിബുജേക്കബ്ബ് തുടങ്ങിയവര്‍ മുഖ്യാതിഥികളായിരുന്നു. മൂന്നു ദിവസത്തെ ഷൂട്ടിംഗ് അപ്പുമനയിലുണ്ടാവും. മഹാരാജാസ് കോളേജാണ് ചിത്രത്തിന്റെ പ്രധാന ലൊക്കേഷന്‍.
നവാഗതനായ കെ.എസ്. അഭിലാഷാണ് ചിത്രം സംവിധാനം ചെയ്യുന്നത്. മഹാരാജാസ് കോളേജില്‍ ആന്റണി വര്‍ഗ്ഗീസിനൊപ്പം പഠിച്ച ആളാണ് കെ.എസ്. അഭിലാഷ്. അനുരാജാണ് ചിത്രത്തിന് കഥയും തിരക്കഥയും സംഭാഷണവും എഴുതിയിരിക്കുന്നത്.
മൂന്ന് നായികമാരാണ് ചിത്രത്തിലുള്ളത്. സോന, നന്ദന, ശിവകാമി. ഇവരെക്കൂടാതെ ബാലചന്ദ്രന്‍ ചുള്ളിക്കാട്, ജോണി ആന്റണി, സെന്തില്‍ തുടങ്ങിയവരും താരനിരയിലുണ്ടാവും.
ഡോ. പോള്‍ എന്റര്‍ടൈന്‍മെന്റ്‌സിന്റെ ബാനറില്‍ ഡോ. പോളാണ് ചിത്രം നിര്‍മ്മിക്കുന്നത്. ഗോള്‍ഡന്‍ പിക്‌ച്ചേഴാസാണ് സഹ നിര്‍മ്മാതാക്കള്‍. ബബ് ലു ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ കിരണ്‍ ദാസും പ്രൊഡക്ഷന്‍ കണ്‍ട്രോളര്‍ ജാവേദുമാണ്.
Recent Comments