അപ്പാനി ശരത്തിനെ നായകനാക്കി സൈനു ചാവക്കാടന്‍ സംവിധാനം ചെയ്യുന്ന ‘പോയിന്റ് റേഞ്ചി’ന്റെ പൂജയും മോഷന്‍ പോസ്റ്റര്‍ ലോഞ്ചും നടന്നു.
തിയ്യാമ്മ പ്രൊഡക്ഷന്‍സ്, ഡി.എം. പ്രൊഡക്ഷന്‍ ഹൗസ് എന്നീ ബാനറുകള്‍ക്കു വേണ്ടി അപ്പാനി ശരത്ത്, ഷിജി മുഹമ്മദ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
ആക്ഷന്‍ ത്രില്ലര്‍ ചിത്രമാണ് ‘പോയിന്റ് റേഞ്ച്’. മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിലായിട്ടാണ് ഒരുക്കുന്നത്. സെപ്തംബര്‍ ആദ്യവാരം പോണ്ടിച്ചേരിയില്‍ ചിത്രീകരണം ആരംഭിക്കും. ഗോവ, മാഹി, ചെന്നൈ, കൊച്ചി, ട്രിച്ചി എന്നിവയാണ് മറ്റ് ലൊക്കേഷനുകള്‍.
അപ്പാനി ശരത്തിനെ കൂടാതെ റിയാസ് ഖാന്‍, ഷാജു നവോദയ, അരിസ്റ്റോ സുരേഷ്, ചാര്‍മിള തുടങ്ങി മലയാളത്തിലേയും തമിഴിലേയും പ്രമുഖ താരങ്ങള്‍ ഭാഗമാകും. ഹൈ ഹോപ്‌സ് ഫിലിം ഫാക്ടറിയുടെ പാര്‍ട്ണര്‍മാരില്‍ ഒരാളായ ബോണി അസ്സനാറാണ് ഈ ചിത്രത്തിനായി തിരക്കഥയും ക്രിയേറ്റീവ് സംവിധാനവും നിര്‍വഹിക്കുന്നത്. മിഥുന്‍ സുബ്രന്‍ കഥ എഴുതിയിരിക്കുന്ന ചിത്രത്തിന്റെ സഹ നിര്‍മാതാക്കള്‍ ബി.ആര്‍.എസ് ക്രിയേഷന്‍സാണ്.
Recent Comments