ആസിഫ് അലിയെയും അപര്‍ണാ ബാലമുരളിയെയും കേന്ദ്രകഥാപാത്രങ്ങളാക്കി ദില്‍ജിത്ത് അയ്യത്താന്‍ സംവിധാനം ചെയ്യുന്ന ചിത്രമാണ് കിഷ്‌ക്കിന്ധാകാണ്ഡം. ഗുഡ് വില്‍ എസ്റ്റെര്‍ടെയിന്‍മെന്റിന്റെ ബാനറില്‍ ജോബി ജോര്‍ജാണ് ചിത്രം നിര്‍മ്മിക്കുന്നു, ഗുഡ് വില്ലിന്റെ ഇരുപത്തിയാറാമതു ചിത്രം കൂടിയാണിത്. സെപ്തംബര്‍ 12 ന് ഓണക്കാല ചിത്രമായിട്ടാണ് കിഷ്‌കിന്ധാ കാണ്ഡം പ്രേക്ഷകര്‍ക്ക് മുന്നിലെത്തുന്നത്.
ഒരു ഫാമിലി ത്രില്ലര്‍ ഡ്രാമയാണ് കിഷ്‌കിന്ധാ കാണ്ഡം. വിജയരാഘവന്‍, ജഗദീഷ്, അശോകന്‍ എന്നിവര്‍ ശക്തമായ കഥാപാത്രങ്ങളെ അവതരിപ്പിക്കുന്നു. യുവനടന്‍ നിഷാന്‍ മുഖ്യമായ ഒരു കഥാപാത്രത്തെ അവതരിപ്പിക്കുന്നുണ്ട്. നിഴല്‍കള്‍ രവി, ഷെബിന്‍ ബെന്‍സണ്‍, കോട്ടയം രമേഷ്, മേജര്‍ രവി, വൈഷ്ണുവിരാജ്, കൃഷ്ണന്‍ ബാലകൃഷ്ണന്‍ ബിലാസ് ചന്ദ്രഹാസന്‍, മാസ്റ്റര്‍ ആരവ്, ജിബിന്‍ ഗോപിനാഥ് എന്നിവരും ചിത്രത്തിലഭിനയിക്കുന്നു.
ഫോറസ്റ്റുമായി ബന്ധപ്പെട്ടു ജോലി ചെയ്യുന്ന ഒരു യുവാവിന്റെ ജീവിതത്തിലൂടെയാണ് കഥാപുരോഗതി. ചില ദുരൂഹതകള്‍ കൂടി സമ്മാനിച്ചു കൊണ്ടാണ് ചിത്രത്തിന്റെ അവതരണം. ബാഹുല്‍ രമേഷിന്റേതാണ് തിരക്കഥയും ഛായാഗ്രഹണവും. സംഗീതം- മുജീബ് മജീദ്, എഡിറ്റിംഗ്- സൂരജ് ഈ.എസ്., കലാസംവിധാനം- സജീഷ് താമരശ്ശേരി, കോസ്റ്റ്യും ഡിസൈന്‍- സമീരാസനീഷ്, മേക്കപ്പ്- റഷീദ് അഹമ്മദ്, ചീഫ് അസ്സോസിയേറ്റ് ഡയറക്ടര്‍ ബോബി സത്യശീലന്‍, പ്രോജക്റ്റ് ഡിസൈന്‍- കാക്കാസ്റ്റോറീസ്, പ്രൊഡക്ഷന്‍ മാനേജര്‍- എബി കോടിയാട്ട്, പ്രൊഡക്ഷന്‍ എക്‌സിക്കുട്ടീവ്‌സ്- നോബിള്‍ ജേക്കബ് ഏറ്റുമാന്നൂര്‍, ഗോകുലന്‍ പിലാശ്ശേരി, പ്രൊഡക്ഷന്‍ കണ്‍ട്രോളര്‍- രാജേഷ് മേനോന്‍, പി.ആര്.ഒ- വാഴൂര്‍ ജോസ്, ഫോട്ടോ- ബിജിത്ത് ധര്‍മ്മടം.
Recent Comments