ആസിഫ് അലിയും സുരാജ് വെഞ്ഞാറമൂടും ഒന്നിക്കുന്ന ചിത്രത്തിന്റെ ഷൂട്ടിങ്ങ് നാളെ എറണാകുളത്ത് ആരംഭിക്കും. ആഷിക്ക് ഉസ്മാന്‍ പ്രൊഡക്ഷസിന്റെ ബാനറില്‍ ആഷിക്ക് ഉസ്മാനാണ് ചിത്രം നിര്‍മിക്കുന്നത്. ആഷിക്ക് ഉസ്മാന്‍ നിര്‍മിക്കുന്ന പതിനഞ്ചാമത് ചിത്രമാണിത്. നവാഗതനായ നഹാസ് നാസറാണ് ചിത്രം സംവിധാനം ചെയ്യുന്നത്.
ആഷിഖ് ഉസ്മാന്‍ തന്നെ നിര്‍മിച്ച തല്ലുമാലയുടെ അസോസിയേറ്റ് ഡയറക്ടറായിരുന്നു നഹാസ് നാസര്‍. കെട്ട്യോളാണെന്റെ മാലാഖക്ക് ശേഷം തങ്കം ആണ് ചിത്രത്തിന് തിരക്കഥ ഒരുക്കുന്നത്. തുണ്ടിന് ശേഷം ജിംഷി ഖാലിദ് ഛായാഗ്രഹണം നിര്‍വഹിക്കുന്ന ചിത്രത്തിന്റെ സംഗീതം കൈകാര്യം ചെയ്യുന്നത് ഗോപി സുന്ദറാണ്.
ചിത്രത്തില്‍ ശ്രദ്ധയമായ വേഷത്തില്‍ ഷൈന്‍ ടോം ചാക്കോയും എത്തുന്നു. അനഘയാണ് ചിത്രത്തിലെ നായിക. ഒരു ട്രാവലോഗാണ് ചിത്രം. ഫീല്‍ ഗുഡ് ഹ്യൂമര്‍ ജോണറിലാണ് ചിത്രം ഒരുങ്ങുന്നത്. എറണാകുളത്തിന് പുറമെ ആലപ്പുഴ, ചേര്‍ത്തല, കൊല്ലം തുടങ്ങിയവയാണ് പ്രധാന ലൊക്കേഷനുകള്‍.
എഡിറ്റിംഗ് നിഷാദ് യൂസഫ്, ആര്‍ട്ട് ആഷിഖ് എസ്, ഗാനരചന വിനായക് ശശികുമാര്‍, പ്രൊഡക്ഷന്‍ കണ്‍ട്രോളര്‍ സുധര്‍മ്മന്‍ വള്ളിക്കുന്ന്, ഓഡിയോഗ്രാഫി വിഷ്ണു ഗോവിന്ദ്, വി എഫ് എക്‌സ് ഡിജിബ്രിക്‌സ്, പബ്ലിസിറ്റി ഡിസൈന്‍ ഓള്‍ഡ്മങ്ക്. വിതരണം സെന്‍ട്രല്‍ പിക്ചര്‍സ് റിലീസ്. മാര്‍ക്കറ്റിംഗ് ഒബ്‌സ്‌ക്യൂറ എന്റര്‍ടെയ്ന്‍മെന്റ്.
Recent Comments