സിനിമ ചിത്രീകരണത്തിനിടയില്‍ നടന്‍ ആസിഫ് അലിക്ക് പരിക്കേറ്റു. തിരുവനന്തപുരത്ത് നടക്കുന്ന ‘എ രഞ്ജിത്ത് സിനിമ’ എന്ന ചിത്രത്തിന്റെ ക്ലൈമാക്‌സ് ഷൂട്ടിങ്ങിന് ഇടയിലാണ് താരത്തിന് കാലില്‍ പരിക്കേറ്റത്. ഉടന്‍തന്നെ നെയ്യാര്‍ മെഡിസിറ്റിയില്‍ പ്രവേശിപ്പിച്ചു.
എക്‌സ്‌റേയില്‍ ഒടിവുകളൊന്നും കണ്ടെത്തിയില്ല. കാല്‍മുട്ടിലേറ്റ പരിക്കാണ് ഗുരുതരമാക്കിയത്. തുടര്‍ന്ന് ആസിഫിനോട് വിശ്രമം എടുക്കാന്‍ ആവശ്യപ്പെടുകയായിരുന്നു. ഹോസ്പിറ്റലില്‍നിന്ന് ഡിസ്ചാര്‍ജ് വാങ്ങി ഇപ്പോള്‍ ഹോട്ടലിലാണുള്ളത്. ഷൂട്ടിംഗ് ഷെഡ്യൂള്‍ ബ്രേക്ക് ചെയ്‌തേക്കും.
നവാഗതനായ നിഷാന്ത് സാറ്റു സംവിധാനം ചെയ്യുന്ന ചിത്രത്തിന്റെ അവസാന ഷെഡ്യൂള്‍ തിരുവനന്തപുരത്ത് പുരോഗമിക്കുകയായിരുന്നു. സിനിമയിലെ ക്ലൈമാക്‌സ് രംഗവുമായി ബന്ധപ്പെട്ട് ഒരു സംഘട്ടന രംഗം ചിത്രീകരിക്കുന്നതിനിടയിലാണ് താരത്തിന് പരിക്കേറ്റത്.
Recent Comments