മമ്മൂട്ടി ‘ദി പ്രീസ്റ്റി’ന് ശേഷം ജോഫിന്‍ ടി. ചാക്കോ സംവിധാനം ചെയ്യുന്ന പുതിയ ചിത്രത്തിന് എറണാകുളത്ത്
തുടക്കമായി. ഫോര്‍ട്ട് കൊച്ചി സിഎസ്‌ഐ ഹെറിറ്റേജ് ബംഗ്ലാവില്‍ വെച്ച് നടന്ന പൂജാച്ചടങ്ങില്‍ നടന്‍ ആസിഫ് അലി, നിര്‍മ്മാതാക്കാളായ ആന്റോ ജോസഫും വേണു കുന്നപ്പിള്ളിയും പങ്കെടുത്തു.
കാവ്യ ഫിലിം കമ്പനി, ആന്‍ മെഗാ മീഡിയ എന്നീ ബാനറുകളിലായി വേണു കുന്നപ്പിള്ളിയും ആന്റോ ജോസഫും ചേര്‍ന്നാണ് ഈ ബിഗ് ബജറ്റ് ചിത്രം നിര്‍മ്മിക്കുന്നത്. നൈറ്റ് ഡ്രൈവ്, മാളികപ്പുറം, 2018 എന്നീ വിജയ ചിത്രങ്ങള്‍ക്കും, റീലീസിന് തയ്യാറെടുക്കുന്ന ആനന്ദ് ശ്രീബാലയ്ക്കും ശേഷം കാവ്യ ഫിലിം കമ്പനിയും ആന്‍ മെഗാ മീഡിയയും ഒന്നിക്കുന്ന സിനിമയാണിത്. ആസിഫ് അലി, അനശ്വര രാജന്‍, മനോജ് കെ. ജയന്‍ എന്നിവരാണ് ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത്. ജോഫിന്‍ ടി ചാക്കോ, രാമു സുനില്‍ എന്നിവരുടെ കഥയ്ക്ക് തിരക്കഥ രചിച്ചത് ജോണ്‍ മന്ത്രിക്കലാണ്.
ഛായാഗ്രഹണം അപ്പു പ്രഭാകര്‍, ചിത്രസംയോജനം ഷമീര്‍ മുഹമ്മദ്, സംഗീതം രാഹുല്‍ രാജ്, കലാസംവിധാനം ഷാജി നടുവില്‍, വസ്ത്രാലങ്കാരം സമീറ സനീഷ്, മേക്കപ്പ് റോണക്സ് സേവ്യര്‍, ലൈന്‍ പ്രൊഡ്യൂസര്‍ ഗോപകുമാര്‍ ജി.കെ., പ്രൊഡക്ഷന്‍ കണ്‍ട്രോളര്‍ ഷിബു ജി. സുശീലന്‍, ചീഫ് അസോസിയേറ്റ് ഡയറക്ടര്‍ ബേബി പണിക്കര്‍, പ്രേംനാഥ്, അസോസിയേറ്റ് ഡയറക്ടര്‍ ആസിഫ് കുറ്റിപ്പുറം, അസിസ്റ്റന്റ് ഡയറക്ടേര്‍സ് സുമേഷ് കെ സുരേശന്‍, ഫാ. വിനീഷ് മാത്യു, രോഹന്‍ മിഥ്വിഷ്, ആദര്‍ശ് എ നായര്‍, സംഘട്ടനം ഫീനിക്‌സ് പ്രഭു, സ്റ്റില്‍സ് ബിജിത് ധര്‍മ്മടം, ഡിസൈന്‍ ഓള്‍ഡ്മങ്ക്, പിആര്‍ഒ & മാര്‍ക്കറ്റിംഗ് വൈശാഖ് വടക്കേവീട്, ജിനു അനില്‍കുമാര്‍.
Recent Comments