സുരാജ് വെഞ്ഞാറമൂടിനെ കേന്ദ്രകഥാപാത്രമാക്കി നവാഗതനായ സുധീഷ് ഗോപിനാഥ് സംവിധാനം ചെയ്യുന്ന ചിത്രമാണ് മദനോത്സവം. ചിത്രത്തിന്റെ ലൊക്കേഷനില്‍ ഇന്ന് ബാബു ആന്റണി ജോയിന്‍ ചെയ്തു. ബാബു ആന്റണി അവതരിപ്പിക്കുന്ന കഥാപാത്രത്തെക്കുറിച്ച് വ്യക്തമായ സൂചനകള്‍ അണിയറപ്രവര്‍ത്തകര്‍ നല്‍കിയിട്ടില്ല.
ന്നാ താന്‍ കേസ് കൊട് എന്ന ചിത്രത്തിന്റെ സംവിധായകന്‍ രതീഷ് ബാലകൃഷ്ണന്‍ പൊതുവാളാണ് മദനോത്സവത്തിന് തിരക്കഥ എഴുതുന്നത്. ഇ. സന്തോഷ് കുമാര്‍ എഴുതിയ ചെറുകഥയെ ആസ്പദമാക്കിയാണ് രതീഷ് തിരക്കഥ എഴുതുന്നത്.
സുരാജ് വെഞ്ഞാറമൂടിനും ബാബു ആന്റണിക്കും പുറമെ രാജേഷ് മാധവന്‍, സുധി കോപ്പ, പി.പി. കുഞ്ഞികൃഷ്ണന്‍, ഭാമ അരുണ്‍ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങള്‍. ചിത്രത്തിന്റെ ഷൂട്ടിംഗ് കാഞ്ഞങ്ങാടും പരിസരപ്രദേശങ്ങളിലുമായി പുരോഗമിക്കുന്നു. നവംബര്‍ 22 ന് മടിക്കേരിയിലേയ്ക്ക് ഷൂട്ടിംഗ് ഷിഫ്റ്റ് ചെയ്യും.
അജിത് വിനായക ഫിലിംസിന്റെ ബാനറില്‍ വിനായക അജിത്താണ് ചിത്രം നിര്‍മ്മിക്കുന്നത്. ഷെഹ്നാദ് ജലാല്‍ ഛായാഗ്രഹം നിര്‍വ്വഹിക്കുന്ന ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ രഞ്ജിത്ത് കരുണാകരനാണ്.
Recent Comments