നെയ്യാര്‍ ഫിലിംസിന്റെ ബാനറില്‍ ഗിരീഷ് നെയ്യാര്‍ നിര്‍മ്മിച്ച് കണ്ണന്‍ താമരക്കുളം സംവിധാനം ചെയ്യുന്ന ‘വിരുന്ന്’ എന്ന ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായിരിക്കുന്നു. പൂര്‍ണ്ണമായും ആക്ഷന്‍ ഫാമിലി ത്രില്ലര്‍ ജോണറില്‍ ഒരുക്കിയിരിക്കുന്ന ചിത്രം ആഗസ്റ്റ് 23 ന് പ്രദര്‍ശനത്തിനെത്തുകയാണ്.
തെന്നിന്ത്യന്‍ ആക്ഷന്‍ ഹീറോ അര്‍ജുന്‍, നിക്കി ഗില്‍ റാണി, മുകേഷ്, ഗിരീഷ്, ബൈജു സന്തോഷ്, അജു വറുഗീസ് എന്നിവര്‍ മുഖ്യ കഥാപാത്രങ്ങളായെത്തുന്ന ചിത്രത്തില്‍ ബൈജു സന്തോഷ് സഖാവ് ബാലന്‍ എന്ന കഥാപാത്രത്തിലൂടെ തികച്ചും വ്യത്യസ്തമായ ഒരു കഥാപാത്രത്തെ അവതരിപ്പിക്കുന്നു. രൂപത്തിലും ഭാവത്തിലുമെല്ലാം ഏറെ വൈവിദ്ധ്യമാകുന്ന ഒരു കഥാപാത്രമായിരിക്കുമിത്. ബൈജുവിന്റെ അഭിനയ ജീവിതത്തിന് വലിയൊരു വഴിത്തിരിവിന് ഇടയാകുന്ന കഥാപാത്രം കൂടിയായിരിക്കും സഖാവ് ബാലന്‍. ധര്‍മ്മജന്‍ ബൊള്‍ഗാട്ടി, ഹരീഷ് പെരടി, സംവിധായകന്‍ അജയ് വാസുദേവ്, ആശാശരത്ത് എന്നിവരും ചിത്രത്തില്‍ അഭിനയിക്കുന്നുണ്ട്.
തിരക്കഥ ദിനേശ് പള്ളത്ത്, ഗാനങ്ങള്‍ കൈതപ്രം, റഫീഖ് അഹമ്മദ്, സംഗീതം രതീഷ് വേഗ, സാനന്ദ് ജോര്‍ജ്, ഛായാഗ്രഹണം രവിചന്ദ്രന്‍, എഡിറ്റിംഗ് വി.റ്റി. ശ്രീജിത്ത്, കലാസംവിധാനം സഹസ് ബാല,
കോസ്റ്റും ഡിസൈന്‍ അരുണ്‍ മനോഹര്‍, മേക്കപ്പ് പ്രദീപ് രംഗന്‍, നിശ്ചല ഛായാഗ്രഹണം ശ്രീജിത്ത് ചെട്ടിപ്പടി, ചീഫ് അസ്റ്റോപ്പിയേറ്റ് ഡയറക്ടര്‍ സുരേഷ് ഇളമ്പല്‍, പ്രൊഡക്ഷന്‍ എക്‌സികുട്ടീവ് അഭിലാഷ് അര്‍ജുന്‍, നിര്‍മ്മാണ നിര്‍വ്വഹണം അനില്‍ അങ്കമാലി, രാജീവ് കൊടപ്പനക്കുന്ന്, പി.ആര്.ഒ വാഴൂര്‍ ജോസ്.
Recent Comments