സൂര്യയെ നായകനായി പ്രഖ്യാപിച്ച് ഷൂട്ടിങ് തുടങ്ങുകയും പിന്നീട് അദ്ദേഹം പിന്മാറുകയും ചെയ്ത ചിത്രം എന്ന നിലയില്‍ വാര്‍ത്തകളില്‍ ഇടംപിടിച്ച ചിത്രമാണ് വണങ്കാന്‍. തമിഴിലെ ഹിറ്റ് മേക്കര്‍ ബാല സംവിധാനം ചെയ്ത ചിത്രം, തമിഴ്‌നാട്ടിലെ റിലീസിന് ശേഷം കേരളത്തില്‍ ഫെബ്രുവരി 7ന് തീയേറ്ററുകളില്‍ എത്തുന്നു. വളരെ റോ ആയ ഒരു ആക്ഷന്‍ സിനിമയാണ് വണങ്കാന്‍. റോഷ്‌നി പ്രകാശ് ആണ് ചിത്രത്തില്‍ നായികയായി എത്തുന്നത്. സന്‍ഹ സ്റ്റുഡിയോസ് ആണ് ചിത്രം കേരളത്തില്‍ വിതരണത്തിന് എത്തിക്കുന്നത്.
ചിത്രത്തില്‍ സമുദ്രക്കനി, മിസ്‌കിന്‍, ഛായാ ദേവി, ബാല ശിവജി, ഷണ്‍മുഖരാജന്‍, യോഹന്‍ ചാക്കോ, കവിതാ ഗോപി, ബൃന്ദാ സാറതി, അരുള്‍ദോസ്, ചേരണ്‍രാജ് തുടങ്ങിയവും പ്രധാന വേഷങ്ങള്‍ ചെയ്യുന്നു. ആര്‍ ബി ഗുരുദേവാണ് ഛായാഗ്രാഹണം നിര്‍വഹിക്കുന്നത്. വൈരമുത്തുവിന്റെ വരികള്‍ക്ക് ജി.വി. പ്രകാശ് സംഗീതം ഒരുക്കുന്നു. സാം സി എസ് ആണ് സിനിമക്കായി പശ്ചാത്തലസംഗീതം ഒരുക്കുന്നത്. സതീഷ് സൂര്യയാണ് എഡിറ്റര്‍. വി. മായപാണ്ടി കലാ സംവിധാനം നിര്‍വഹിക്കുന്ന ചിത്രത്തില്‍ സില്‍വ സംഘട്ടനസംവിധാനവും നിര്‍വഹിക്കുന്നു. ഇതാദ്യമായാണ് സംവിധായകന്‍ ബാല- അരുണ്‍ വിജയ് ടീം ഒന്നിക്കുന്നത്. ബാലതന്നെയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. വാര്‍ത്ത പ്രചരണം: പി. ശിവപ്രസാദ്.
Recent Comments