ഷാഹ്‌മോന്‍ ബി പറേലിലിന്റെ സംവിധാനത്തില്‍ ഭഗത് മാനുവല്‍ പ്രധാന വേഷത്തിലെത്തുന്ന കെങ്കേമം ജൂലൈ 28 ന് തിയേറ്ററുകളില്‍ എത്തും. ഒരു മുഴുനീള കോമഡി സിനിമയായ കെങ്കേമത്തില്‍ ഭഗത് മാനുവലിനെ കൂടാതെ നോബി മര്‍ക്കോസ്, ലെവിൻ സൈമൺ ജോസഫ്, സലിം കുമാര്‍, മഖ്ബൂൽ സൽമാൻ, മന്‍രാജ്, സുനില്‍ സുഗത, സിദ്ദിഖ് ഇസ്മയില്‍, അബുസലിം, അജയ് വാസുദേവ്, ബാദുഷ, നിയാസ് ബക്കര്‍, ഇടവേള ബാബു, അരിസ്റ്റോ സുരേഷ്, സാജു നവോദയ, ചിത്രേശ് നടേശന്‍, എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. യുവത്വത്തിന്റെ നെട്ടോട്ടങ്ങളും കഷ്ടപ്പാടുകളും യാഥാര്‍ത്ഥ്യങ്ങളും ഇതിവൃത്തമാക്കിയ സിനിമയാണ് കെങ്കേമം.
‘കൂടെ പ്രവര്‍ത്തിച്ച എല്ലാവരും ഏറ്റവും അടുത്ത സുഹൃത്തുക്കളും ഗുരുസ്ഥാനീയരുമായതുകൊണ്ടുതന്നെ സിനിമ വളരെ നല്ല ഒരു എക്സ്പീരിയന്‍സ് ആയിരുന്നു. ഇത്രയും മികച്ച ടെക്‌നിഷ്യന്‍സ്, ക്രൂ, സഹപ്രവര്‍ത്തകര്‍ എല്ലാം ഒരു ഭാഗ്യമായി കണക്കാക്കുന്നു. യുവ പ്രേക്ഷകര്‍ക്കു വേണ്ടിയുള്ള സിനിമയായതു കൊണ്ട് തന്നെ നല്ല സ്വീകാര്യതയാണ് തിയേറ്ററുകളില്‍ നിന്ന് പ്രതീക്ഷിക്കുന്നത്. കുറേ നാളുകള്‍ക്ക് ശേഷം നായക വേഷത്തില്‍ തന്നെ ഒരു സിനിമ ഇറങ്ങുന്നതിന്റെ സന്തോഷവും വലുതാണ്. ഭീമന്റെ വഴിയായിരുന്നു അടുത്തിടെ ഇറങ്ങിയ മികച്ച സിനിമകളിലൊന്ന്. ഇനിയും നല്ല സിനിമകള്‍ പ്രതീക്ഷിക്കുന്നു’ ഭഗത് മാനുവല്‍ കാന്‍ ചാനലിനോട് പറഞ്ഞു.
‘മാടമ്പി’, ‘ഭാസ്‌കര്‍ ദ റാസ്‌കല്‍’ തുടങ്ങിയ സിനിമകള്‍ക്ക് ഛായാഗ്രാഹണം നിര്‍വഹിച്ച വിജയ് ഉലകനാഥാണ് കെങ്കേമത്തിന്റെ ഛായാഗ്രാഹകന്‍. സംവിധായകന്‍ ഷാഹ്‌മോന്‍ ബി പറേലിലിന്റെ ആദ്യ സിനിമ കൂടിയാണ് ‘കെങ്കേമം’.
Recent Comments