ഛായഗ്രാഹകനും, സംവിധായകനും, നടനും എഴുത്തുകാരനുമായ തങ്കര്‍ ബച്ചാന്‍ തിരക്കഥയെഴുതി സംവിധാനം ചെയ്യുന്ന ചിത്രമാണ് കരുമേഘങ്കള്‍ കലൈകിന്‍ട്രന. ചിത്രത്തിന്റെ ഷൂട്ടിങ് പൂര്‍ത്തിയായി.
സംവിധായകരായ ഭാരതിരാജയും കെ.എസ്. ചന്ദ്രശേഖറും ഗൗതം മേനോനും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ഇതാദ്യമായിട്ടാണ് ഇവര്‍ മൂന്നുപേരും ഒരു സിനിമയില്‍ അഭിനേതാക്കളായി എത്തുന്നത്. അതിഥി ബാലനാണ് നായിക. യോഗി ബാബുവിനെ കൂടാതെ തങ്കര്‍ ബച്ചാനും ശ്രദ്ധേയമായ കഥാപാത്രത്തെ അവതരിപ്പിക്കുന്നു.
കലാമേന്മയും സാങ്കേതികത്തികവ് നിറഞ്ഞതുമാണ് തങ്കര്‍ ബച്ചാന്‍ സിനിമകള്‍. അഴകി, സൊല്ല മറന്ത കഥ, പള്ളിക്കുടം, ഒന്‍പത് രൂപൈ നോട്ട്, അമ്മാവിന്‍ കൈപേശി തുടങ്ങിയ ജനപ്രിയ ചിത്രങ്ങള്‍ തമിഴകത്തിന് സമ്മാനിച്ചതും തങ്കര്‍ബച്ചാനാണ്.
വൈരമുത്തു ഗാന രചനയും ജി.വി.പ്രകാശ് കുമാര്‍ സംഗീത സംവിധാനവും നിര്‍വഹിക്കുന്ന ചിത്രത്തിന്റെ ഛായാഗ്രാഹകന്‍ ഏകാമ്പരമാണ്. വാവ് മീഡിയ എന്റര്‍ടൈന്‍മെന്റ്‌സിന്റെ ബാനറില്‍ ബാനറില്‍ ഡി. വീരശക്തിയാണ് ചിത്രം നിര്‍മ്മിക്കുന്നത്. പി.ആര്‍.ഒ. സി.കെ.അജയ് കുമാര്‍.
Recent Comments