ഗുമസ്തന്‍ സിനിമയുടെ ഷൂട്ടിങ്ങിനിടയില്‍ നിയന്ത്രണം വിട്ട ബൈക്ക് മറിഞ്ഞ് അപകടം ഉണ്ടായി. നായകനായ ബിബിന്‍ ജോര്‍ജിന്റെ ഒരു സംഘട്ടന രംഗം ചിത്രീകരിക്കുന്നതിനിടയിലാണ് അപകടം. സ്റ്റണ്ടേഴ്‌സില്‍ ഒരാളെ അപ്പോള്‍ തന്നെ സമീപത്തുള്ള ആശുപത്രിയില്‍ പ്രവേശിപ്പിച്ചു. സാരമായ പരുക്കുകള്‍ ഇല്ലാതെ ബിബിന്‍ ജോര്‍ജ് രക്ഷപ്പെട്ടു.
മുസാഫിര്‍ പ്രൊഡക്ഷന്‍സിന്റെ ബാനറില്‍ അമല്‍ കെ ജോബിയാണ് ചിത്രം സംവിധാനം ചെയ്യുന്നത്. ബിബിന്‍ ജോര്‍ജിനെ കൂടാതെ ദിലീഷ് പോത്തന്‍, ജെയ്സ് ജോസ്, സ്മിനു സിജോ, റോണി ഡേവിഡ് രാജ്, അസീസ് നെടുമങ്ങാട്, അലക്‌സാണ്ടര്‍ പ്രശാന്ത്, മക്ബുല്‍ സല്‍മാന്‍ കൈലാഷ്, ഐഎം വിജയന്‍, ബിന്ദു സഞ്ജീവ്, നീമ മാത്യു എന്നിവരാണ് മറ്റ് താരങ്ങള്‍. പാലക്കാടും പരിസരപ്രദേശങ്ങളിലുമായാണ് ഗുമസ്തന്റെ ചിത്രീകരണം പുരോഗമിക്കുന്നത്.
Recent Comments