ഏഷ്യാനെറ്റിന്റെ ജയപ്രിയ റിയാലിറ്റി ഷോകളില്‍ ഒന്നായ ബിഗ്‌ബോസ് മൂന്നാം സീസണിന്റെ ഒഫിഷ്യല്‍ ലോഞ്ച് ഫെബ്രുവരി 14 ന് ടെലികാസ്റ്റ് ചെയ്യും. 13 ന് ചെന്നൈയിലാണ് ഷൂട്ടിംഗ് നടക്കുന്നത്.
മോഹന്‍ലാലാണ് സീസണ്‍ മൂന്നിന്റേയും അവതാരകന്‍. ആദ്യത്തെ രണ്ട് സീസണുകളും വിജയമായിരുന്നു. സീസണ്‍ 2 ലെ ഫൈനലിസ്റ്റുകളെ കണ്ടെത്തുന്നതിനുമുമ്പേ, ഷോ അവസാനിപ്പിക്കേണ്ടിവന്നു. ഷോയുടെ ഷൂട്ടിംഗ് നടന്നുകൊണ്ടിരിക്കുന്നതിനിടയിലാണ് കോവിഡ് വ്യാപനം മൂര്‍ദ്ധന്യതയിലെത്തിുന്നത്. തുടര്‍ന്ന് ഔഡോര്‍ ഷൂട്ടിംഗിനടക്കം കേന്ദ്രസര്‍ക്കാര്‍ വിലക്ക് പ്രഖ്യാപിച്ചിരുന്നു. അതോടെ ഷോയ്ക്കും ബ്രേക്ക് പറയേണ്ടിവന്നു.
സിനിമ-ടെലിവിഷന്‍-സാമൂഹികരംഗത്തെ പ്രമുഖര്‍ തന്നെയാണ് ഇത്തവണയും ഷോയുടെ മത്സരാര്‍ത്ഥികളായി എത്തുന്നത്. മത്സരാര്‍ത്ഥികളുടെ പേരുവിവരങ്ങള്‍ രഹസ്യമായി സൂക്ഷിച്ചിരിക്കുകയാണ്. പല പേരുകളും ഉയര്‍ന്നു കേള്‍ക്കുന്നുണ്ടെങ്കിലും അതിനൊന്നും ഔദ്യോഗികസ്ഥിരീകരണം ഉണ്ടായിട്ടില്ല. അതിന് ലോഞ്ചിംഗ് ദിവസം വരെ കാത്തിരിക്കേണ്ടിവരും.
Recent Comments