മോഹന്‍ലാല്‍ അവതാരകനാകുന്ന ബിഗ് ബോസ്സ് സീസണ്‍ 5 ന്റെ ഒഫീഷ്യല്‍ ലോഞ്ച് നാളെ നടക്കും. മുംബൈ ഫിലിം സിറ്റിയില്‍ ഒരുക്കിയ കൂറ്റന്‍ ബിഗ് ബോസ്സ് ഹൗസിനുള്ളിലാണ് പരിപാടികള്‍ അരങ്ങേറുന്നത്. പ്രാഥമിക റൗണ്ടില്‍ 18 മത്സരാര്‍ത്ഥികളാണ് പങ്കെടുക്കുന്നത്. ഷോയുമായി ബന്ധപ്പെട്ട റിഹേഴ്‌സല്‍ ക്യാമ്പില്‍ പങ്കെടുക്കാന്‍ കഴിഞ്ഞ ദിവസംതന്നെ മോഹന്‍ലാല്‍ മുംബയില്‍ എത്തി. ലിജോ പെല്ലിശ്ശേരിയുടെ മലൈകോട്ടൈ വാലിബന്റെ ജയ്‌സാല്‍മീറിലെ ലൊക്കേഷനില്‍നിന്നാണ് ലാല്‍ എത്തിയിരിക്കുന്നത്.
മേരികോം എന്ന ചലച്ചിത്രത്തിന്റെ സംവിധായകനും പ്രശസ്ത പ്രൊഡക്ഷന്‍ ഡിസൈനറുമായ ഒമംഗ് കുമാറാണ് ഇത്തവണയും ബിഗ് ബോസ്സ് ഹൗസ് അണിയിച്ചൊരുക്കിയിരിക്കുന്നത്. പതിവുപോലെ വിസ്മയങ്ങള്‍ നിറഞ്ഞതാണ് ബിഗ് ബോസ്സ് ഹൗസ്. നാളെ രാവിലെ ബിഗ് ബോസ്സ് ഹൗസിന്റെ എക്‌സ്‌ക്ല്യൂസീവ് വിഷ്വല്‍സ് പുറത്തുവിടും.
ഏഷ്യാനെറ്റിന്റെ പ്രസ്റ്റീജിയസ് റിയാലിറ്റി ഷോയാണ് ബിഗ് ബോസ്സ്. ആദ്യ നാല് സീസണുകളും ഗംഭീര വിജയമായിരുന്നു. രണ്ടാം സീസണ്‍ മാത്രം കോവിഡ് പ്രതിസന്ധിയെത്തുടര്‍ന്ന് പൂര്‍ത്തിയാക്കാനായില്ല. സാബു മോന്‍, മണിക്കുട്ടന്‍, ദില്‍ഷാ പ്രസന്നന്‍ എന്നിവരാണ് യഥാക്രമം ബിഗ് ബോസ്സ് വിജയികള്‍.
Recent Comments