എച്ച് എസ് എന്‍ പ്രൊഡക്ഷന്‍സിന്റെ ബാനറില്‍ നവാഗതനായ രാഹുല്‍ ബഷീര്‍ രചനയും സംവിധാനം നിര്‍വ്വഹിക്കുന്ന കമനിയുടെ ഷൂട്ടിംഗ് കൊല്ലത്ത് ആരംഭിച്ചു. പുതുമുഖം ബദ്രിലാലാണ് നായകന്‍. സ്‌മെല്‍ എന്ന ചെറു ചിത്രത്തിലൂടെ ശ്രദ്ധേയനായ നടനാണ് ബദ്രിലാല്‍.
ഉദ്വേഗഭരിതമായ വികാരരംഗങ്ങളിലൂടെ കടന്നു പോകുന്ന കഥ മ്യൂസിക്കല്‍ ഡ്രാമ പശ്ചാത്തലത്തിലൂടെയാണ് ചിത്രം സംസാരിക്കുന്നത്. മാധ്യമപ്രവര്‍ത്തകനായ ശിവരാജു, ഗീത എന്ന വേശ്യ സ്ത്രീയുടെ ജീവിതകഥയുടെ പൊരുള്‍ അന്വേഷിച്ചുകൊണ്ട് അവളുടെ അരികിലേക്ക് ചെല്ലുന്നു. ജീവിതത്തിന്റെ കൈപ്പേറിയ ദുരനുഭവങ്ങള്‍ക്ക് ഇരയാകേണ്ടി വന്ന അവള്‍ക്ക് അവന്റെ സാമീപ്യം ഇഷ്ടമായിരുന്നില്ല. ഭര്‍ത്താവായ ഗോപിയുടെ ചതിയില്‍പ്പെട്ട ഗീത, അവന്റെ കര്‍മ്മഫലത്തിനുള്ള ശിക്ഷ നല്‍കി കഴിഞ്ഞിരിക്കുകയാണ്. പിന്നീട് ഗീതയുടെ മനസ്സിന്റെ തൃഷ്ണ ശിവരാജുവിന്റെ കാമനകള്‍ക്ക് വിധേയമാകുന്നു. ഉന്മാദലഹരിയില്‍ അവര്‍ പരസ്പരം തിരിച്ചറിയുന്നു. പിന്നീടങ്ങോട്ട് തീവ്ര പ്രണയത്തിന്റെയും തീവ്ര പ്രതികാരത്തിന്റെയും നേര്‍ക്കാഴ്ചയാണ് ചിത്രത്തില്‍ കാണുവാന്‍ സാധിക്കുന്നത്.
വിനു എന്‍ ആചാരി, ആര്‍ ജെ അനന്തു, മായ സുകു എന്നിവരാണ് മറ്റ് അഭിനേതാക്കള്‍. ചായാഗ്രഹണം കൈകാര്യം ചെയ്തിരിക്കുന്നത് ശ്യാം സി മോഹന്‍. സംഗീതം എച്ച് എസ് ആകര്‍ഷ്. എഡിറ്റിംഗ് വിഷ്ണുരാജ്. പ്രൊഡക്ഷന്‍ കണ്‍ട്രോളര്‍ രാജേഷ് നെയ്യാറ്റിന്‍കര. പ്രോജക്ട് ഡിസൈനര്‍ നഹാസ് എ എസ്. ലൊക്കേഷന്‍ മാനേജര്‍ ശിഖാബുദ്ദീന്‍. മേക്കപ്പ് ഹര്‍ഷാദ് മലയിന്‍കീഴ്. കോസ്റ്റ്യൂംസ് ബബിഷ കെ രാജേന്ദ്രന്‍. കലാ സംവിധാനം വിശാഖ് കെ എം. ആര്‍ട്ട് ഡിസൈനര്‍ വൈശാഖ് സുഖദ്.അസോസിയേറ്റര്‍ ഡയറക്ടര്‍ ബോന്‍സിബാബു. അസിസ്റ്റന്റ് ഡയറക്ടര്‍ അനീഷ് ജോസഫ്. സ്‌പോട്ട് എഡിറ്റര്‍ അബിന്‍ സി തോമസ്. പിആര്‍ഒ എം കെ ഷെജിന്‍.
Recent Comments