ബിജു മേനോനെയും ആസിഫ് അലിയെയും കേന്ദ്രകഥാപാത്രങ്ങളാക്കി ജിസ് ജോയ് സംവിധാനം ചെയ്യുന്ന ചിത്രമാണ് തലവന്‍. ചിത്രത്തിന്റെ ട്രെയിലര്‍ പുറത്തു വിട്ടിരിക്കുകയാണ് അണിയറ പ്രവര്‍ത്തകര്‍. പരസ്പരം പോരടിക്കുന്ന പോലീസ് ഓഫീസര്‍മാരായിട്ടാണ് ചിത്രത്തില്‍ ഇരുവരും പ്രത്യക്ഷപ്പെടുന്നത്.
രണ്ട് വ്യത്യസ്ഥ റാങ്കുകളിലുള്ള പോലീസ് ഓഫീസര്‍മാരുടെ ഇടയിലുണ്ടാകുന്ന പ്രശ്‌നങ്ങളാണ് ചിത്രം പ്രേക്ഷകര്‍ക്ക് മുന്നില്‍ അവതരിപ്പിക്കുന്നത്. മലബാറിലെ നാട്ടിന്‍പുറങ്ങളെ പ്രധാന പശ്ചാത്തലമാക്കി ഒരുക്കുന്ന ഇന്‍വെസ്റ്റിഗേറ്റീവ് ത്രില്ലറാണ് തലവന്‍.
ദിലീഷ് പോത്തന്‍, ഷങ്കര്‍ രാമകൃഷ്ണന്‍, രഞ്ജിത്ത്, കോട്ടയം നസിര്‍, ജാഫര്‍ ഇടുക്കി, മിയ ജോര്‍ജ്, അനുശ്രീ, ജോജി മുണ്ടക്കയം, സുജിത് ശങ്കര്‍, രഞ്ജിത്ത് ശങ്കര്‍, സാബു മോന്‍ അബ്ദു സമദ്, ടെസ്സ, ദിനേഷ് പ്രഭാകര്‍, അന്‍സല്‍ പള്ളുരുത്തി, നന്ദന്‍ ഉണ്ണി, ബിലാസ് ചന്ദ്രഹാസന്‍ എന്നിവരാണ് മറ്റ് അഭിനേതാക്കള്‍
അരുണ്‍ നാരായണ്‍ പ്രൊഡക്ഷന്‍സ് ഇന്‍ അസ്റ്റോസിയേഷന്‍ വിത്ത് ലണ്ടന്‍ സ്റ്റുഡിയോസിന്റെ ബാനറില്‍ അരുണ്‍ നാരായണ്‍, സിജോ സെബാസ്റ്റ്യന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ഈശോ, ചാവേര്‍ എന്നീ ചിത്രങ്ങള്‍ക്ക് ശേഷം അരുണ്‍ നാരായണ്‍ പ്രൊഡക്ഷന്‍സ് നിര്‍മ്മിക്കുന്ന ചിത്രംകൂടിയാണിത്.
ആനന്ദ് തേവര്‍കാട്ടും ശരത് പെരുമ്പാവൂരും ചേര്‍ന്നാണ് ചിത്രത്തിനുവേണ്ടി കഥ എഴുതിയിരിക്കുന്നത്. ഛായാഗ്രഹണം ഷരണ്‍ വേലായുധന്‍, സംഗീതം ദീപക് ദേവ്, എഡിറ്റര്‍ സൂരജ് ഇ.എസ്, പ്രൊഡക്ഷന്‍ കണ്‍ട്രോളര്‍ ആസാദ് കണ്ണടിക്കല്‍, കലാസംവിധാനം അജയ് മങ്ങാട്, സംഘട്ടനം കലൈ കിംഗ്‌സ്റ്റണ്‍, മേക്കപ്പ് റോണക്‌സ് സേവ്യര്‍, കോസ്റ്റിയൂംസ് ജിഷാദ് ഷംസുദ്ദീന്‍, ചീഫ് അസോസിയേറ്റ് ഡയറക്ടര്‍ സാഗര്‍, അസോസിയേറ്റ് ഡയറക്ടേഴ്‌സ് ഫര്‍ഹാന്‍ പി ഫൈസര്‍, അഭിജിത്ത് കാഞ്ഞിരത്തിങ്കല്‍ എന്നിവരാണ് മറ്റ് അണിയറ പ്രവര്‍ത്തകര്‍
Recent Comments