xഅനുരാഗ കരിക്കിന്‍വെള്ളം, വെള്ളിമൂങ്ങ എന്നീ ഹിറ്റ് സിനിമകള്‍ക്കുശേഷം ബിജു മേനോനും ആസിഫ് അലിയും വീണ്ടും ഒരുമിക്കുന്നു. ജിസ് ജോയി ചിത്രത്തിലൂടെയാണ് ഈ കോമ്പോ വീണ്ടും യാഥാര്‍ത്ഥ്യമാകുന്നത്.
അരുണ്‍ നാരായണ്‍ പ്രൊഡക്ഷന്‍സിന്റെ ബാനറില്‍ അരുണ്‍ നാരായണനാണ് ചിത്രം നിര്‍മ്മിക്കുന്നത്. ലണ്ടന്‍ സ്റ്റുഡിയോസ് നിര്‍മ്മാണ പങ്കാളിയാണ്. സിജോ സെബാസ്റ്റ്യനാണ് ലണ്ടന്‍ സ്റ്റുഡിയോസിന്റെ സാരഥി.
ഈശോ, ചാവേര്‍ എന്നീ ചിത്രങ്ങള്‍ക്ക് ശേഷം അരുണ്‍ നാരായണ്‍ നിര്‍മിക്കുന്ന ചിത്രം കൂടിയാണിത്.
ഫീല്‍ ഗുഡ് മൂവികളാണ് ജിസ് ജോയ് ചിത്രങ്ങളുടെ പ്രത്യേകതയെങ്കില്‍ ഇത്തവണ ഒരു ത്രില്ലര്‍ ചിത്രമാണ് അദ്ദേഹം ഒരുക്കുന്നത്. നവാഗതരായ ആനന്ദ്, ശരത് എന്നിവരാണ് ചിത്രത്തിന്റെ തിരക്കഥാകൃത്തുക്കള്‍.
ബിജു മേനോന്‍, ആസിഫ് അലി എന്നിവരെ കൂടാതെ ദിലീഷ് പോത്തന്‍, ശങ്കര്‍ രാമകൃഷ്ണന്‍, അനുശ്രീ, റീനു മാത്യൂസ്, കോട്ടയം നസീര്‍, ദിനേശ്, അനുരൂപ്, നന്ദന്‍ ഉണ്ണി, ബിലാസ് എന്നിവരും ചിത്രത്തില്‍ അഭിനയിക്കുന്നു. ഇവര്‍ക്കൊപ്പം നാടകരംഗത്ത് പ്രവര്‍ത്തിക്കുന്ന ചില കലാകാരന്മാരും ചിത്രത്തിന്റെ ഭാഗമാകുന്നു.
ചിത്രത്തിന് ഇനിയും പേരിട്ടിട്ടില്ല. ഷൂട്ടിംഗ് ഏപ്രില്‍ 17 ന് തലശ്ശേരിയില്‍ ആരംഭിക്കും. തലശ്ശേരിക്ക് പുറമെ കണ്ണൂരാണ് മറ്റൊരു പ്രധാന ലൊക്കേഷന്‍.
ശരണ്‍ വേലായുധന്‍ ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ സൂരജാണ്. കലാസംവിധാനം അജയന്‍ മങ്ങാട്, കോസ്റ്റ്യൂം നിഷാദ്, മേക്കപ്പ് റോണക്‌സ് സേവശ്യര്‍. പ്രൊഡക്ഷന്‍ കണ്‍ട്രോളര്‍ ആസാദ് കണ്ണാടിക്കല്‍. പി.ആര്‍.ഒ. വാഴൂര്‍ ജോസ്.
Recent Comments