പ്രശസ്ത തെന്നിന്ത്യന്‍ സംവിധായകന്‍ എ.ആര്. മുരുഗദോസ് ശിവകാര്‍ത്തികേയനെ നായകനാക്കി ഒരുക്കുന്ന ബിഗ് ബജറ്റ് തമിഴ് ചിത്രത്തില്‍ മലയാള താരം ബിജു മേനോനും. അദ്ദേഹം ഈ ചിത്രത്തിന്റെ ഭാഗമായ വിവരം ഈ ചിത്രത്തിന്റെ നിര്‍മ്മാതാക്കളായ ശ്രീലക്ഷ്മി മൂവീസ് ഔദ്യോഗികമായി പുറത്ത് വിട്ടു. ബിജു മേനോന്‍ ഉള്‍പ്പെടുന്ന ഒരു ചിത്രീകരണ വീഡിയോയും ഇതിനൊപ്പം അവര്‍ റിലീസ് ചെയ്തിട്ടുണ്ട്. ബിജു മേനോന്‍ അഭിനയിക്കുന്ന ഒന്‍പതാമത്തെ തമിഴ് ചിത്രമാണിത്.
‘എസ്‌കെ X എആര്‍എം’ എന്ന് താല്‍ക്കാലികമായി പേര് നല്‍കിയിരിക്കുന്ന ഈ ചിത്രത്തില്‍ ബോളിവുഡ് താരം വിദ്യുത് ജംവാലും ഒരു നിര്‍ണ്ണായക കഥാപാത്രത്തെ അവതരിപ്പിക്കുന്നുണ്ട്. തുപ്പാക്കിക്ക് ശേഷം, എ.ആര് മുരുഗദോസിനൊപ്പം വിദ്യുത് ജംവാല്‍ തമിഴില്‍ വീണ്ടുമൊന്നിക്കുന്ന ചിത്രം കൂടിയാണിത്. രുക്മിണി വസന്ത്, ബോളിവുഡ് താരം സഞ്ജയ് ദത്ത് എന്നിവരും താരനിരയിലുണ്ട്.
അനിരുദ്ധ് രവിചന്ദര്‍ സംഗീത സംവിധാനം നിര്‍വഹിക്കുന്ന ചിത്രത്തിന്റെ ഛായാഗ്രഹണം സുദീപ് ഇളമണ്‍, എഡിറ്റിംഗ് ശ്രീകര്‍ പ്രസാദ്, കലാസംവിധാനം അരുണ്‍ വെഞ്ഞാറമ്മൂട്, സംഘട്ടന സംവിധാനം മാസ്റ്റര്‍ ദിലീപ് സുബ്ബരായന്‍. പിആര്‍ഒ- ശബരി.
Recent Comments