ബിജു മേനോനെ കേന്ദ്ര കഥാപാത്രമാക്കി നവാഗതനായ ശ്രീജിത്ത് എന്‍. സംവിധാനം ചെയ്യുന്ന ‘ഒരു തെക്കന്‍ തല്ല് കേസ്’ എന്ന സിനിമയുടെ പ്രൊമോഷന്‍ തിരുവനന്തപുരം ലുലുമാളില്‍ വെച്ച് നടന്നു. ബിജുമേനോന്‍, പത്മപ്രിയ, റോഷന്‍ മാത്യു തുടങ്ങിയ അഭിനയതാക്കളും മറ്റു അണിയറപ്രവര്‍ത്തകരും പരുപാടിയില്‍ പങ്കെടുത്തു. ചടങ്ങില്‍ ചിത്രത്തിലെ ലിറിക്കല്‍ വിഡിയോയും ലോഞ്ച് ചെയ്തു.
പ്രേക്ഷകശ്രദ്ധ നേടിയ ചിത്രത്തിലെ പ്രേമനെയ്യപ്പ എന്ന ഗാനത്തിന് റോഷന്‍ മാത്യൂ, പതമപ്രിയ തുടങ്ങിയവര്‍ ചുവടു വെച്ചു.
എണ്‍പതുകളുടെ പശ്ചാത്തലത്തില്‍ തിരുവനന്തപുരം അഞ്ചുതെങ്ങ് തീരദേശപശ്ചാത്തലത്തിലാണ് ഒരു തെക്കന്‍ തല്ലുകേസ് അവതരിപ്പിക്കുന്നത്. ജി.ആര്‍. ഇന്ദുഗോപന്റെ ‘അമ്മിണിപ്പിള്ള വെട്ടുകേസ്’ എന്ന ചെറുകഥയെ ആസ്പദമാക്കിയുള്ള ചിത്രത്തിന് തിരക്കഥയൊരുക്കിയിരിക്കുന്നത് രാജേഷ് പിന്നാടനാണ്. പത്മപ്രിയ നായികയാവുന്ന ചിത്രത്തില്‍ യുവതാരങ്ങളായ റോഷന്‍ മാത്യുവും നിമിഷ സജയനും മറ്റു രണ്ട് പ്രധാന കഥാപാത്രങ്ങളെ അവതരിപ്പിക്കുന്നു.
അഖില്‍ കവലയൂര്‍, അശ്വത് ലാല്‍, റെജു ശിവദാസ്, അരുണ്‍ പാവുമ്പ, അസീസ് നെടുമങ്ങാട്, പ്രമോദ് വെളിയനാട്, പ്രശാന്ത് മുരളി, അച്യുതാനന്ദന്‍, ശശി വാളൂരാന്‍, നീരജ രാജേന്ദ്രന്‍, ജയരാജ് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ഇ ഫോര്‍ എന്റര്‍ടെയിന്‍മെന്റ്‌സിന്റെ ബാനറില്‍ മുകേഷ് ആര്‍. മേത്ത, സി.വി. സാരഥി എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തിന്റെ ഛായാഗ്രഹണം മധു നീലകണ്ഠന്‍ നിര്‍വ്വഹിക്കുന്നു. മനോജ് കണ്ണോത്ത് ആണ് ചിത്രസംയോജനം. ക്രിയേറ്റീവ് ഡയറക്ടര്‍ ഗോപകുമാര്‍ രവീന്ദ്രന്‍, എക്‌സിക്യൂട്ടിവ് പ്രൊഡ്യൂസര്‍ റോഷന്‍ ചിറ്റൂര്‍-ഓപ്പണ്‍ ബുക്ക് പ്രൊഡക്ഷന്‍സ്, പ്രൊഡക്ഷന്‍ ഡിസൈനര്‍ ദിലീപ് നാഥ്, കോസ്റ്റ്യൂം ഡിസൈനര്‍ സമീറ സനീഷ്, മേക്കപ്പ് റോണക്‌സ് സേവ്യര്‍, സൗണ്ട് ഡിസൈനര്‍ തപസ് നായിക്, പ്രൊഡക്ഷന്‍ എക്‌സിക്യൂട്ടിവ് പ്രണവ് മോഹന്‍, പ്രൊഡക്ഷന്‍ കണ്‍ട്രോളര്‍ ഷാഫി ചെമ്മാട്, ലൈന്‍ പ്രൊഡ്യൂസര്‍ പ്രേംലാല്‍. കെ.കെ, ഫിനാന്‍സ് കണ്‍ട്രോളര്‍ ദിലീപ് എടപറ്റ, സ്റ്റില്‍ സ് അനീഷ് അലോഷ്യസ്, പബ്ലിസിറ്റി ഡിസൈനര്‍: ഓള്‍ഡ് മങ്ക്‌സ്, സംഘട്ടനം സുപ്രീം സുന്ദര്‍-മാഫിയ ശശി, പി.ആര്‍.ഒ: എ.എസ്. ദിനേശ്, മാര്‍ക്കറ്റിംഗ് കണ്‍സല്‍ട്ടന്റ് കാറ്റലിസ്റ്റ്.
Recent Comments