നവാഗതനായ റിയാസ് ഷെറീഫ് കഥയും തിരക്കഥയും സംഭാഷണവുമെഴുതി സംവിധാനം ചെയ്യുന്ന ചിത്രമാണ് തുണ്ട്. ബിജുമേനോനും ഷൈന്‍ ടോം ചാക്കോയുമാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ ഷൂട്ടിംഗ് ഒക്ടോബര്‍ 7 ന് എറണാകുളത്ത് തുടങ്ങും. 22 നുശേഷം തൃശൂരിലേയ്ക്ക് ഷിഫ്റ്റ് ചെയ്യും.
പ്രശസ്ത ഛായാഗ്രാഹകന്‍ ജിംഷി ഖാലിദിന്റെ കീഴില്‍ അസോസിയേറ്റ് ക്യാമറാമാനായിരുന്നു റിയാസ് ഷെറീഫ്. തല്ലുമാല, അള്ള് രാമേന്ദ്രന്‍, ഉണ്ട, ലൗ തുടങ്ങിവ റിയാസ് അസോസിയേറ്റായി പ്രവര്‍ത്തിച്ച ചിത്രങ്ങളാണ്.
ആഷിഖ് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിഖ് ഉസ്മാനാണ് ചിത്രം നിര്‍മ്മിക്കുന്നത്. ഈ ബാനറില്‍ നിര്‍മ്മിക്കുന്ന 14-ാമത്തെ ചിത്രമാണ് തുണ്ട്. ജിംഷി ഖാലിദ് കോ പ്രൊഡ്യൂസറാണ്. ജിംഷി ഖാലിദ് വഴിയാണ് ഈ പ്രൊജക്ട് ആഷിഖ് ഉസ്മാനിലേയ്ക്ക് എത്തുന്നതും.
പൂര്‍ണ്ണമായും ഒരു ഹ്യൂമര്‍ ചിത്രമാണ് തുണ്ട്. ബിജുമേനോന്‍, ഷൈന്‍ ടോം ചാക്കോ എന്നിവരെ കൂടാതെ കോട്ടയം നസീര്‍, ഗോകുലന്‍, അഭിറാം, ഉണ്ണിമായ, റാഫി, വിനീത് തട്ടില്‍ എന്നിവരും താരനിരയില്‍ ഉണ്ട്.
ജിംഷി ഖാലിദ് ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ നബു ഉസ്മാനാണ്. വിഷ്ണു വിജയ് ആണ് സംഗീത സംവിധായകന്‍. കല ആഷിക്ക് എസ്., പ്രൊഡക്ഷന്‍ കണ്‍ട്രോളര്‍ സുധര്‍മ്മന്‍ വള്ളിക്കുന്ന്.
Recent Comments