ബിജുമേനോന്‍, സുരാജ് വെഞ്ഞാറമ്മൂട് എന്നിവരെ കേന്ദ്രകഥാപാത്രങ്ങളാക്കി വിഷ്ണു നാരായണന്‍ സംവിധാനം ചെയ്യുന്ന ഫാമിലി ഫണ്‍ ചിത്രം ‘നടന്ന സംഭവ’ത്തിന്റെ റിലീസ് തീയതി പ്രഖ്യാപിച്ചു. ജൂണ്‍ 21 നാണ് ചിത്രം തിയേറ്ററുകളിലെത്തുന്നത്.
അനൂപ് കണ്ണന്‍ സ്റ്റോറീസിന്റെ ബാനറില്‍ അനൂപ് കണ്ണന്‍, രേണു എ എന്നിവരാണ് ചിത്രത്തിന്റെ നിര്‍മ്മാതാക്കള്‍. ഒരു മെക്‌സിക്കന്‍ അപാരതയ്ക്കുശേഷം ഈ ബാനറില്‍ ഒരുങ്ങുന്ന ചിത്രംകൂടിയാണ് ഇത്. രാജേഷ് ഗോപിനാഥാണ് തിരക്കഥ ഒരുക്കിയിരിക്കുന്നത്.
ചിത്രത്തില്‍ ഉണ്ണി എന്ന കഥാപാത്രത്തെ ബിജുമേനോനും അജിത്ത് എന്ന കഥാപാത്രത്തെ സുരാജും അവതരിപ്പിക്കുന്നു. ജോണി ആന്റണി, ലിജോ മോള്‍, ശ്രുതി രാമചന്ദ്രന്‍, സുധി കോപ്പ, ലാലു അലക്‌സ് തുടങ്ങിയവരും മറ്റ് പ്രധാന വേഷങ്ങള്‍ ചെയ്യുന്നു. നൗഷാദ് അലി, ആതിര ഹരികുമാര്‍, അനഘ അശോക്, ശ്രീജിത്ത് നായര്‍, എയ്തള്‍ അവ്‌ന ഷെറിന്‍, ജെസ് സുജന്‍ തുടങ്ങിയവരും ചിത്രത്തില്‍ അഭിനയിക്കുന്നു.
ഛായാഗ്രഹണം മനേഷ് മാധവന്‍, സംഗീതം അങ്കിത് മേനോന്‍. എക്‌സിക്യൂട്ടീവ് പ്രൊഡ്യൂസര്‍ ഡാര്‍വിന്‍. കേരളത്തില്‍ ഇരുന്നൂറോളം തീയേറ്ററുകളിലാണ് സിനിമ റിലീസ് ചെയ്യുന്നത്.
Recent Comments