കോട്ടയത്ത് ബൂസ്റ്റർ ചായ എന്ന കോഫി ഷോപ്പിൽ പണമില്ലാത്തവർക്ക് സൗജന്യമായി ഭക്ഷണം കഴിക്കാം

കോട്ടയം നഗരത്തിൽ ഒരു കോഫി ഷോപ്പ് ഉണ്ട് .പണം ഇല്ലെങ്കില്ലും പ്രശ്‌നമില്ല ; ഇവിടെ നിന്നും ഭക്ഷണം കഴിക്കാം .കോട്ടയ൦ കെ എസ് ആർ ടി സി ബസ്സ്റ്റാ൯്റിനു താഴെ PWD റെസ്റ്റ് ഹൗസിന് മുൻവശത്ത് ബൂസ്റ്റർ ചായ എന്ന ഒരു കോഫിഷോപ്പുണ്ട് .

അവിടെ ചെന്നാൽ കൈയിൽ പണം ഇല്ലാത്തവർക്ക് ഭക്ഷണം കിട്ടും .നാലുമാസങ്ങൾക്കു മുമ്പാണ് ഈ കോഫിഷോപ്പ് പണം ഇല്ലാത്തവർക്ക് സൗജന്യമായി ഭക്ഷണം കൊടുക്കുവാൻ തുടങ്ങിയത് .ഇപ്പോഴും ഈ കോഫിഷോപ്പ് ഉണ്ട് . .പണം ഇല്ലാത്തവർക്ക് സൗജന്യമായി ഭക്ഷണം കൊടുക്കുന്നതിനാൽ ഈ കോഫിഷോപ്പ് അടച്ചു പൂട്ടേണ്ടി വന്നിട്ടില്ല .ഇപ്പോഴും മികച്ച രീതിയിൽ പ്രവർത്തിക്കുകയാണ് .ഇതിൽ നിന്നും ഒരു കാര്യം വ്യക്തമാണ് .പണമില്ലാത്തവർക്ക് സൗജന്യമായി ഭക്ഷണം നൽകിയതുകൊണ്ട് സ്ഥാപനം അടച്ചു പൂട്ടേണ്ടിവരില്ല .

ഈ കോഫിഷോപ്പ് പണമില്ലാത്തവർക്ക് സൗജന്യമായി ഭക്ഷണം നൽകുന്ന വാർത്ത പുറത്തറിഞ്ഞത് മനുഷ്യാവകാശ പ്രവർത്തകനായ ജോമോൻ പുത്തൻ പുരയ്ക്കലിന്റെ ഫേസ് ബുക്ക് പോസ്റ്റിലൂടെ ആയിരുന്നു..2024 ജൂൺ 25 നു രാത്രിയിൽ ജോമോൻ ഈ കോഫിഷോപ്പിൽ കയറിഭക്ഷണം കഴിച്ചപ്പോൾ അവിടെ ഒരു ബോർഡ് കണ്ടു…അതുസംബന്ധിച്ച് ജോമോൻ പുത്തൻപുരയ്ക്കൽ പറഞ്ഞത് ഇങ്ങനെയാണ് :

“ആ ബോർഡ് വായിച്ചപ്പോൾ എന്നെ ഞെട്ടിപ്പിച്ചു.ആ ബോർഡിലെ വരികൾ ഇപ്രകാരമാണ് “എനിക്കു൦ നിനക്കു൦ ഭക്ഷണം തരുന്നത് ദൈവമാണ്. പണമില്ലാത്തതി൯്റെ പേരിൽ നീയോ നിന്റെ കുടുംബമോ പട്ടിണി കിടക്കാ൯ പാടില്ല. ഭക്ഷണ൦ കഴിക്കാ൯ പണം ഇല്ലെങ്കിൽ ക്യാഷറെ അറിയിച്ച് ഭക്ഷണ൦ കഴിച്ച് പോവുക.ഇങ്ങനെ ഒരു ബോർഡ് ഞാൻ വായിക്കുന്നത് ആദ്യമായിട്ടാണ്. ഇതിന് മുമ്പു൦ ഞാൻ ഈ കോഫി ഷോപ്പിൽ പോയിട്ടുണ്ടെങ്കിലു൦ ഈ ബോർഡ് വായിക്കുന്നത് ആദ്യമായിട്ടാണ്. വിശക്കുന്നവ൪ കയ്യിൽ പൈസ ഇല്ലാത്തപ്പോൾ ബൂസ്റ്റർ ചായ കോഫി ഷോപ്പിലേക്ക് വന്നാൽ മതി. ഭക്ഷണം കഴിച്ച് പോകാ൦. ബൂസ്റ്റർ ചായ കോഫി ഷോപ്പ്കാരെ ദൈവം അനുഗ്രഹിക്കട്ടെ എന്ന് പ്രാർത്ഥിക്കുന്നു.”