കലാഭവന്‍ ഷാജോണ്‍ കേന്ദ്ര കഥാപാത്രത്തെ അവതരിപ്പിക്കുന്ന സി.ഐ.ഡി. രാമചന്ദ്രന്‍ റിട്ട. എസ്.ഐ.യുടെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായിരിക്കുന്നു. സനൂപ് സത്യനാണ് ചിത്രം സംവിധാനം ചെയ്യുന്നത്. എ.ഡി. 1877 പിക്‌ച്ചേഴ്‌സിന്റെ ബാനറില്‍ ഷിജു മിസ്പാ, സനൂപ് സത്യന്‍ എന്നിവര്‍ ചേര്‍ന്നാണ് നിര്‍മ്മിക്കുന്നത്. മെയ് 17 ന് ചിത്രം പ്രദര്‍ശനത്തിനെത്തുന്നു.
പൊലീസ് ഡിപ്പാര്‍ട്ട്‌മെന്റിനെ പ്രത്യേകിച്ചും ക്രൈംരംഗത്തെ ഏറെ ഇഷ്ടപ്പെടുന്ന ഒരു മുന്‍ പൊലീസ് ഉദ്യോഗസ്ഥന്റെ കഥയാണ് നര്‍മ്മവും ഉദ്വേഗവും നിലനിര്‍ത്തി ചിത്രത്തിലൂടെ അവതരിപ്പിക്കുന്നത്. മുപ്പത്തിമൂന്നു വര്‍ഷക്കാലം പൊലീസ് ഡിപ്പാര്‍ട്ട്‌മെന്റിലെ ക്രൈംവിഭാഗത്തില്‍ പ്രവൃര്‍ത്തിച്ചതിനു ശേഷം വിരമിച്ചതാണ് എസ്.ഐ. രാമചന്രന്‍. ക്രൈം കേസ്സുകള്‍ തെളിയിക്കുന്നതില്‍ ഏറെ സമര്‍ത്ഥനായ രാമചന്ദ്രന്റെ സഹായം ഇപ്പോഴും ഡിപ്പാര്‍ട്ട്‌മെന്റ് തേടുന്നു. ഡിപ്പാര്‍ട്ട്‌മെന്റിനോടുള്ള സ്‌നേഹക്കൂടുതല്‍ കൊണ്ട് സ്വന്തമായി ഒരു അന്വേഷണ ഏജന്‍സി ആരംഭിക്കുകയും അതിലൂടെ ഉരിത്തിരിയുന്ന സംഭവങ്ങളുമാണ് ഈ ചിത്രത്തിന്റെ പ്രമേയം.
കലാഭവന്‍ ഷാജോണിനെ കൂടാതെ ബൈജു സന്തോഷ്, പ്രേംകുമാര്‍, സുധീര്‍ കരമന, ശ്രീകാന്ത് മുരളി, അസീസ് നെടുമങ്ങാട്, ബാലാജി ശര്‍മ്മ, ആനന്ദ് മന്മഥന്‍, തുഷാര പിള്ള,, ഉണ്ണിരാജാ പൗളി വത്സന്‍, ഗീതി സംഗീത, ബാദ്ഷാ റിയാന്‍, അരുണ്‍ പുനലൂര്‍, കല്യാണ്‍ഖാനാ എന്നിവരും പ്രധാന വേഷങ്ങളില്‍ അഭിനയിക്കുന്നു.
തിരക്കഥ -സനൂപ് സത്യന്‍, അനീഷ് വി. ശിവദാസ്. ഗാനങ്ങള്‍ ദീപക് ചന്ദ്രന്‍, സംഗീതം അനു ബി. ഇവാന്‍, ഛായാഗ്രഹണം ജോ ക്രിസ്റ്റോ സേവ്യര്‍, എഡിറ്റിംഗ് ലിജോ പോള്‍, കലാസംവിധാനം മനോജ് മാവേലിക്കര, ചീഫ് അസ്സോസ്സിയേറ്റ് ഡയറക്ടര്‍ ഉണ്ണി സി., പ്രൊജക്ട് ഡിസൈനര്‍ സുധന്‍രാജ്, പ്രൊഡക്ഷന്‍ എക്‌സിക്കുട്ടീവ് സജി കുണ്ടറ, പ്രൊഡക്ഷന്‍ കണ്‍ട്രോളര്‍ സുനില്‍ പേട്ട, പി.ആര്.ഒ. വാഴൂര്‍ ജോസ്, ഫോട്ടോ വിദ്യാസാഗര്‍.
Recent Comments