പ്രശസ്ത ഛായാഗ്രാഹകന്‍ വി. ജയറാം ഹൈദരാബാദില്‍ നിര്യാതനായി. കോവിഡ് ബാധിതനായി ചികിത്സയിലായിരുന്നു. ഇന്നലെ രാത്രിയായിരുന്നു അന്ത്യം. 70 വയസ്സ് പ്രായമുണ്ടായിരുന്നു.
തെലുങ്കിലും മലയാളത്തിലുമായി നിരവധി ഹിറ്റ് ചിത്രങ്ങള്‍ക്ക് ഛായാഗ്രഹണം നിര്‍വ്വഹിച്ചിട്ടുണ്ട്. സംവിധായകന്‍ ഐ.വി. ശശിക്ക് ഏറെ പ്രിയപ്പെട്ട ഛായാഗ്രാഹകരില്‍ ഒരാള്‍ കൂടിയായിരുന്നു ജയറാം. ആവനാഴി, അടിമകള്‍ ഉടമകള്‍, വ്രതം, അബ്കാരി, 1921, മുക്തി, അനുരാഗി, മൃഗയ, ദേവാസുരം തുടങ്ങിയ ഐ.വി. ശശി ചിത്രങ്ങള്‍ക്ക് വേണ്ടി ക്യാമറ ചലിപ്പിച്ചത് ജയറാമായിരുന്നു.
2013 ല്‍ ഇറങ്ങിയ ജഗന്‍ നിര്‍ദ്ദോഷി എന്ന തെലുങ്ക് ചിത്രത്തിനുവേണ്ടിയാണ് അവസാനമായി ക്യാമറ ചലിപ്പിച്ചത്. എന്‍.ടി. രാമറാവു, കൃഷ്ണ, ചിരഞ്ജീവി, നാഗര്‍ജുന തുടങ്ങിയ സൂപ്പര്‍താര ചിത്രങ്ങള്‍ക്കുവേണ്ടിയും അദ്ദേഹം ഛായാഗ്രഹണം നിര്‍വ്വഹിച്ചിട്ടുണ്ട്.
Recent Comments