കാന്‍ ചാനലിന്റെ ഒഫീഷ്യല്‍ വെബ്‌സൈറ്റിന്റെ ഉദ്ഘാടനം മലയാളത്തിന്റെ പ്രിയനടന്‍ മോഹന്‍ലാല്‍ നിര്‍വ്വഹിച്ചു. ഷൂട്ടിംഗ് നടന്നുകൊണ്ടിരിക്കുന്ന ദൃശ്യം രണ്ടാം ഭാഗത്തിന്റെ കാക്കനാടുള്ള ലൊക്കേഷനില്‍വച്ചാണ് അനുഗ്രഹീതമായ തന്റെ കരങ്ങള്‍കൊണ്ട് കാനിനെ അദ്ദേഹം തൊട്ടനുഗ്രഹിച്ചത്.
ചടങ്ങിന് സാക്ഷികളായി സംവിധായകന്‍ ജീത്തു ജോസഫും ക്യാമറാമാന്‍ സതീഷ് കുറുപ്പും പ്രൊഡക്ഷന്‍ കണ്‍ട്രോളര്‍ സിദ്ധു പനയ്ക്കലുമടക്കമുള്ളവര്‍ ഉണ്ടായിരുന്നു.
കമ്പ്യൂട്ടറിന്റെ ഓപ്പണ്‍പേജില്‍ മോഹന്‍ലാല്‍ വിരലുകള്‍ അമര്‍ത്തുമ്പോള്‍ ആദ്യം തെളിഞ്ഞത് ദൃശ്യത്തില്‍ അദ്ദേഹം ചെയ്യുന്ന കഥാപാത്രത്തിന്റെ ഫസ്റ്റ്‌ലുക്ക് പോസ്റ്ററായിരുന്നു. ആ പേജില്‍ അദ്ദേഹം വീണ്ടും ക്ലിക്ക് ചെയ്തതോടെ ദൃശ്യം 2 ന്റെ അണിയറവിശേഷങ്ങള്‍ പങ്കുവയ്ക്കാനെത്തിയവരുടെ നീണ്ടനിരയായിരുന്നു.
സംവിധായകന്‍ ജീത്തു ജോസഫ്, നിര്‍മ്മാതാവ് ആന്റണി പെരുമ്പാവൂര്‍, അഭിനേതാക്കളായ മോഹന്‍ലാല്‍, സിദ്ധിക്ക്, മുരളി ഗോപി, ഗണേഷ്‌കുമാര്‍, ആശാശരത്ത്, ക്യാമറാമാന്‍ സതീഷ്‌കുറുപ്പ് എന്നിവരുടെ അഭിമുഖങ്ങളും അറിയറപ്രവര്‍ത്തകരുടെ ചിത്രങ്ങളും ആ പേജിനെ സമ്പന്നമാക്കി.
ഇതാദ്യമായിട്ടാണ് ഒരു ചിത്രത്തിന്റെ ഫസ്റ്റ് ലുക്ക് പോസ്റ്റര്‍ വെബ്‌സൈറ്റിലൂടെ പുറത്ത് വരുന്നത്.
പിന്നീട് കാന്‍ ചാനലിന്റെ വെബ്‌സൈറ്റ് പേജ് (www.canchannels.com) ലാലിന്റെ ഫേയ്‌സ്ബുക്കിലും പോസ്റ്റ് ചെയ്തിരുന്നു.
സിനിമയും ജ്യോതിഷവുമാണ് കാന്‍ ചാനല്‍ കൈകാര്യം ചെയ്യുന്ന മുഖ്യ വിഷയങ്ങളെങ്കിലും ആരോഗ്യം, സാങ്കേതികവിദ്യ, ആട്ടോമൊബൈല്‍, സംഗീതം, ലൈഫ് സ്റ്റൈല്‍ തുടങ്ങിയ വൈവിദ്ധ്യമാര്‍ന്ന വിഷയങ്ങളും കാന്‍ചാനല്‍ അപ്പപ്പോള്‍ പ്രേക്ഷകര്‍ക്ക് മുന്നില്‍ എത്തിക്കുന്നു.
Recent Comments