സിബിഐ അഞ്ചാം ഭാഗം ദി ബ്രെയിന്റെ ടീസര്‍ ഇറങ്ങിയിട്ട് മിനിറ്റുകളേ ആയിട്ടുള്ളൂ. ഇതിനോടകം ആയിരങ്ങളാണ് ടീസറിനെ വരവേറ്റു കഴിഞ്ഞിരിക്കുന്നത്.
സിബിഐയുടെ മറ്റു പതിപ്പുകളില്‍നിന്ന് അഞ്ചാംഭാഗത്തെ വ്യത്യസ്തപ്പെടുത്തുന്ന ഘടകങ്ങള്‍ ഏറെയുണ്ടെന്ന് ടീസറിന്റെ ആദ്യകാഴ്ചയില്‍തന്നെ വ്യക്തമാകുന്നുണ്ട്. മേക്കിംഗിലെ സ്റ്റൈലിഷിംഗ് പ്രകടമാണ്. അതുപോലെ ചടുലമാണ് ഓരോ ഷോട്ടുകളും. കാലം ആവശ്യപ്പെടുന്ന പുതുമയും വേഗതയും സംവിധായകനും എഴുത്തുകാരനും തിരക്കഥയിലും മേക്കിംഗിലും നല്‍കിയിട്ടുണ്ടെന്ന് വ്യക്തം. അതുകൊണ്ടുതന്നെ സിബിഐ അഞ്ചാംഭാഗം പഴയതിന്റെ തുടര്‍ച്ചയല്ല. ഇത് പുതിയത് തന്നെയാകുന്നു. ഏപ്രില്‍ 28 ന് ചിത്രം തീയേറ്ററുകളില്‍ പ്രദര്‍ശനത്തിനെത്തും.
മമ്മൂട്ടിക്ക് പുറമെ സായികുമാര്‍, രഞ്ജിപണിക്കര്‍, ദിലീഷ് പോത്തന്‍, സൗബിന്‍ ഷാഹിര്‍, മുകേഷ്, അനൂപ് മേനോന്‍, സന്തോഷ് കീഴാറ്റൂര്‍, സുദേവ് നായര്‍, രമേഷ് പിഷാരഡി, ആശാശരത്ത് എന്നിവരും ടീസറിനെ നിറയ്ക്കുന്ന കാഴ്ചകള്‍ സമ്മാനിക്കുന്നുണ്ട്.
Recent Comments