ഗ്ര്‍ര്‍ര്‍ ന്റെ പ്രൊമോഷന്‍ ചടങ്ങുകളില്‍വച്ച് ചിത്രത്തിലെ നായകന്മാരായ കുഞ്ചാക്കോ ബോബനും സുരാജ് വെഞ്ഞാറമൂടും കുട്ടികള്‍ക്ക് സ്‌പെഷ്യല്‍ മുഖംമൂടിയും നെയിംസ്ലിപ്പുകളും സമ്മാനിച്ചു. ചിത്രത്തിലെ പ്രധാന കഥാപാത്രങ്ങളില്‍ ഒരാളായ ദര്‍ശന്‍ എന്ന സിംഹത്തിന്റെ ചിത്രങ്ങളുള്ള നെയിംസ്ലിപ്പുകളും മുഖംമൂടിയും കുട്ടികള്‍ക്ക് സമ്മാനമായി നല്‍കിയത്.
എസ്ര എന്ന ചിത്രത്തിനുശേഷം ജെയ് കെ. സംവിധാനം ചെയ്യുന്ന ഗ്ര്‍ര്‍ര്‍ പ്രേക്ഷകര്‍ക്കിടയില്‍ ഏറെ പ്രതീക്ഷയുള്ള ചിത്രമാണ്. ഹോളിവുഡ്, ബോളിവുഡ് ചിത്രങ്ങളില്‍ വേഷമിട്ടിട്ടുള്ള മോജോ എന്ന സിംഹമാണ് ദര്‍ശന്‍ എന്ന് പേരുള്ള സിംഹമായി ചിത്രത്തില്‍ പ്രത്യക്ഷപ്പെടുന്നത്. ഷാജി നടേശന്‍, തമിഴ് നടന്‍ ആര്യ എന്നിവര്‍ ചേര്‍ന്ന് നിര്‍മ്മിക്കുന്ന ഈ ചിത്രം ജൂണ്‍ 14 ന് തീയേറ്ററുകളില്‍ പ്രദര്‍ശനത്തിനെത്തും.
സംവിധായകന്‍ ജെയ് കെയും പ്രവീണ്‍ എസും ചേര്‍ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. പ്രശസ്ത സംവിധായകനായ രതീഷ് ബാലകൃഷ്ണന്‍ പൊതുവാളാണ് ചിത്രത്തിന്റെ പ്രൊഡക്ഷന്‍ ഡിസൈനര്‍ എന്നതും ചിത്രത്തിന്റെ പ്രത്യേകതയാണ്.
ഛായാഗ്രഹണം ജയേഷ് നായര്‍, എക്‌സിക്യൂട്ടീവ് പ്രൊഡ്യൂസര്‍ മിഥുന്‍ എബ്രഹാം, എഡിറ്റര്‍ വിവേക് ഹര്‍ഷന്‍, പശ്ചാത്തല സംഗീതം ഡോണ്‍ വിന്‍സെന്റ്, സംഗീതം ഡോണ്‍ വിന്‍സെന്റ്, കൈലാസ് മേനോന്‍, ടോണി ടാര്‍സ്. ഗാനരചന മനു മഞ്ജിത്, കലാസംവിധാനം രഖില്‍, പ്രൊഡക്ഷന്‍ കണ്‍ട്രോളര്‍ ഷബീര്‍ മലവട്ടത്ത്, പി.ആര്.ഒ ആതിര ദില്‍ജിത്ത്.
Recent Comments