നടന്‍ പ്രേം കുമാറിന് ചലച്ചിത്ര അക്കാഡമിയുടെ ചെയര്‍മാന്റെ ചുമതല . ചെയര്‍മാന്‍ സ്ഥാനം സംവിധായകന്‍ രഞ്ജിത്ത് രാജിവച്ചതോടെയാണ് പ്രേം കുമാറിന് ചുമതല ലഭിച്ചത്. നിലവില്‍ അക്കാഡമി വൈസ് ചെയര്‍മാനാണ് പ്രേം കുമാര്‍.
പാലേരിമാണിക്യം എന്ന ചിത്രത്തിന്റെ ഒഡീഷനിടെ ബംഗാളി നടിയോട് മോശമായി പെരുമാറി എന്ന വെളിപ്പെടുത്തലിന് പിന്നാലെയാണ് രഞ്ജിത്തിന് ചെയര്‍മാന്‍ സ്ഥാനം രാജിവയ്ക്കേണ്ടി വന്നത്.
കേസെടുത്തതിന് പിന്നാലെ ഹൈക്കോടതിയില്‍ മുന്‍കൂര്‍ ജാമ്യം തേടി രഞ്ജിത്ത് ഹര്‍ജി സമര്‍പ്പിച്ചിട്ടുണ്ട്. നടിയെ സിനിമയില്‍ അഭിനയിക്കാന്‍ തിരഞ്ഞെടുക്കാത്തതിന്റെ നീരസവും നിരാശയുമാണ് പരാതിക്ക് കാരണമെന്നാണ് രഞ്ജിത്തിന്റെ ആരോപണം.
Recent Comments