ഉര്‍വ്വശി, ബാലു വര്ഗീസ്, ഗുരു സോമസുന്ദരം, കലൈയരശന്‍, ബേസില്‍ ജോസഫ് എന്നിവരെ പ്രധാന കഥാപാത്രങ്ങളാക്കി സുഭാഷ് ലളിത സുബ്രഹ്‌മണ്യന്‍ തിരക്കഥയെഴുതി സംവിധാനം ചെയ്യുന്ന ചിത്രമാണ് ചാള്‍സ് എന്റര്‍പ്രൈസസ്. ചിത്രത്തിന്റെ ഷൂട്ടിംഗ് എറണാകുളത്ത് ആരംഭിച്ചു. ബാലു വര്ഗീസ് പങ്കെടുക്കുന്ന രംഗങ്ങളാണ് ഇപ്പോള്‍ ചിത്രീകരിക്കുന്നത്. മാര്‍ച്ച് 10 ന് ഉര്‍വ്വശിയും ഗുരു സോമസുന്ദരവുമടക്കമുള്ളവര്‍ ജോയിന്‍ ചെയ്യും. മണികണ്ഠന്‍ ആചാരി, സാലു റഹീം, സുര്‍ജിത്, വിനീത് തട്ടില്‍, സുധീര്‍ പറവൂര്‍, നസീര്‍ സംക്രാന്തി, അഭിജ ശിവകല, ഗീതി സംഗീതിക തുടങ്ങിയവരും സാരനിരയിലുണ്ട്.
ഇന്നലെയായിരുന്നു ചിത്രത്തിന്റെ പൂജ. നിര്‍മ്മാതാവ് ഡോ. അജിത് ജോയിയുടെ മാതാവ് എല്‍സി ജോസഫ് സ്വിച്ചോണ്‍ കര്‍മ്മം നിര്‍വ്വഹിച്ചു. ജോയി മൂവി പ്രൊഡക്ഷന്‍സിന്റെ ബാനറിലാണ് ചിത്രം നിര്‍മ്മിക്കുന്നത്.
സ്വരൂപ് ഫിലിപ്പ് ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ സഹ നിര്‍മ്മാതാവ് പ്രദീപ് മേനോനാണ്. അന്‍വര്‍ അലി, ഇമ്പാച്ചി, നാച്ചി എന്നിവര്‍ എഴുതിയ വരികള്‍ക്ക് സുബ്രഹ്‌മണ്യന്‍ കെ.വി. സംഗീതം പകരുന്നു. ചിത്രസംയോജനം അച്ചു വിജയന്‍, നിര്‍മ്മാണ നിര്‍വ്വഹണം ദീപക് പരമേശ്വരന്‍, കലാസംവിധാനം മനു ജഗത്ത്, വസ്ത്രാലങ്കാരം അരവിന്ദ് കെ ആര്, ചമയം സുരേഷ്, സ്റ്റില്‍സ് ഫസലുല്‍ ഫക്ക്, പരസ്യകല യെല്ലോട്ടുത്ത്‌സ്, പ്രൊഡക്ഷന്‍ എക്‌സിക്യൂട്ടീവ് പ്രതീഷ് മാവേലിക്കര. പിആര്‍ഒ എ.എസ്. ദിനേശ്.
Recent Comments