ചിമ്പുവും ഗൗതം മേനോനും ഒന്നിക്കുന്ന ‘വെന്ത് തനിന്തത് കാട് ‘ എന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത്. അമ്പരപ്പിക്കുന്ന ലുക്കിലാണ് താരത്തെ പോസ്റ്ററില്‍ കാണാനാകുന്നത്. ഗൗതം മേനോൻ തന്റെ ട്വിറ്ററിലൂടെയാണ് പോസ്റ്റർ പുറത്ത് വിട്ടത്.
വിണ്ണൈത്താണ്ടി വരുവായ, അച്ചം എന്‍പത് മടമയടാ എന്നീ ചിത്രങ്ങൾക്ക് ശേഷം ഇരുവരും ഒന്നിക്കുന്ന ചിത്രമെന്ന പ്രത്യേകതയും ഈ സിനിമക്കുണ്ട്.
കത്തിയെരിയുന്ന കാടിന്റെ പശ്ചാത്തലത്തിൽ, അഴുക്കുപുരണ്ട ഷര്‍ട്ടും മുണ്ടും ധരിച്ച്‌ ഒരു വടിയും ഊന്നി നില്‍ക്കുന്ന ചിമ്പുവിനെയാണ് പോസ്റ്ററിൽ കാണാനാകുക. താരത്തിന്റെ കിടിലൻ മേക്കോവര്‍ ആരാധകരെ അതിശയിപ്പിച്ചിരിക്കുകയാണ്.
മുൻപ് ഈശ്വരൻ എന്ന ചിത്രത്തിനു വേണ്ടി ചിമ്പു ശരീര ഭാരം കുറച്ച് ആരാധകരെ ഞെട്ടിച്ചിരുന്നു. അന്ന് പല താരങ്ങളും ചിമ്പുവിനെ പ്രശംസിച്ച് രംഗത്ത് എത്തുകയും ചെയ്തു.
പുതിയ ചിത്രത്തിന്റ പോസ്റ്റര്‍ സോഷ്യല്‍ മീഡിയയില്‍ വൈറലായികൊണ്ടിരിക്കുകയാണ്.
ഇഷാരി കെ. ഗണേഷ് നിര്‍മിക്കുന്ന ചിത്രത്തിന് എ.ആര്. റഹ്മാനാണ് സംഗീതം ഒരുക്കുന്നത്. ചിമ്പുവിന്റെ കരിയറിലെ 47ാം ചിത്രമാണിത്.
Recent Comments