നെറ്റ്ഫ്‌ലിക്‌സിന്റെ സിഇഒ ടെഡ് സരന്‍ഡോസ് ഇന്നലെ ഹൈദരാബാദില്‍ എത്തി. ഹൈദരബാദില്‍ അദ്ദേഹത്തെ സ്വീകരിക്കാന്‍ എത്തിയത് നടന്‍ ചിരഞ്ജീവിയും മകന്‍ രാംചരണുമായിരുന്നു.
നെറ്റ്ഫ്‌ലിക്‌സ് ഇന്ത്യന്‍ ഉള്ളടക്കങ്ങളില്‍ വന്‍തോതില്‍ നിക്ഷേപം നടത്തുകയും തെലുങ്ക് സിനിമകള്‍ വലിയ രീതിയില്‍ വാങ്ങുകയും ചെയ്യുന്നുണ്ട്. രാംചരണ്‍ നായകനായ RRR ഉം വലിയ വിലയ്ക്ക് നെറ്റ്ഫ്‌ലിക്‌സ് വാങ്ങിച്ചിരുന്നു. RRR ന് ശേഷം രാംചരണ്‍ ആഗോള പ്രശസ്തി നേടിയതോടെയാണ് ഈ കണ്ടുമുട്ടല്‍.
ഹൈദരാബാദിലെ ജൂബിലി ഹില്‍സിലുള്ള ചിരഞ്ജീവിയുടെ വീട് ടെഡ് സരന്‍ഡോസും സംഘവും സന്ദര്‍ശിച്ചു. ഭാവിയില്‍ വിവിധ പദ്ധതികളില്‍ സഹകരിക്കുന്നത് സംബന്ധിച്ച് ഇരുവരും ചര്‍ച്ച നടത്തിയതായി റിപ്പോര്‍ട്ടുകളുണ്ട്.
ശങ്കര്‍ സംവിധാനം ചെയ്യുന്ന പൊളിറ്റിക്കല്‍ ആക്ഷന്‍ ഡ്രാമയായ ഗെയിം ചേഞ്ചറിന്റെ ചിത്രീകരണത്തിന്റെ തിരക്കിലാണ് രാംചരണ്‍ ഇപ്പോള്‍. വസിഷ്ഠ സംവിധാനം ചെയ്യുന്ന ഒരു ഫാന്റസി സാഹസിക ചിത്രത്തിലാണ് ചിരഞ്ജീവി അടുത്തതായി അഭിനയിക്കുന്നത്.
Recent Comments